Vettel maak dit twee in ʼn ry vir Ferrari

Sebastian Vettel (Foto: www.sebastianvettel)

Die tweede wedren in die Formule Een-kampioenskapsreeks is Sondagaand in Bahrein afgehandel en Sebastian Vettel (Ferrari) het die wedren net voor die neus van Valterri Bottas (Mercedes) weggeraap.

Ferrari (Sebastian Vettel en Kimi Raikkonen) het eerste en tweede weggespring. Die verdedigende kampioen, Lewis Hamilton (Mercedes), het negende weggespring nadat hy met vyf posisies gestraf is ná sy span Vrydag sy motor se ratkas moes vervang.

Wegspringrooster:

PosRenjaerSpanTydStraf
1Sebastian VettelFerrari1:27.958
2Kimi RaikkonenFerrari1:28.101
3Valterri BottasMercedes1:28.124
4Daniel RicciardoRed Bull1:28.398
5Pierre GaslyToro Rosso1:29.329
6Kevin MagnussenHaas F11:29.358
7Nico HulkenbergRenault Sport1:29.570
8Esteban OconForce India1:29.874
9Lewis HamiltonMercedes1:28.220-5

Met die wegspring het Vettel sy eerste plek behou, maar Kimi Raikkonen is deur Valteri Bottas verbygesteek. Lewis Hamilton het gou van negende opgeskuif na die derde plek. Vettel het net een keer bande geruil terwyl sy spanmaat Raikkonen halfpad deur die wedren tou opgegooi het. Vettel het voortgegaan en in sy Ferrari die wedren met ʼn breukdeel van ʼn sekonde gewen. Die twee Mercedes-jaers, Valterri Bottas en Lewis Hamilton, was tweede en derde.

Vir meer inligting klik hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Frans C ·

Raikonnen het na 36 rondtes in die kuipe ingetrek om sy bande om te ruil.Hy is die groen lig gegee om weg te trek terwyl hul nog besig was met ‘n agterband.Die het die werktuigkundige getref en sy been gebreek.
Dit het Raikkonen ‘n plek gekos.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.