Wimbledon se tennisringkoppe voorspel dat Rafael Nadal teen Felix Auger-Aliassime in die kwarteindstryd van die grasbaantoernooi sal speel, waarna Novak Djokovic waarskynlik vir hom in die eindstryd kan wag.
En ná vandeesweek se opwarmingswedstryd meen Stan Wawrinka ook dat die Spanjaard met die louere op Wimbledon kan wegstap.
“Rafa was maar Rafa,” het die Switserse speler geskerts nadat Nadal hom met 6-2 en 6-3 geklop het.
“Ek weet nie hoe hy voel nie, maar hy het soos altyd op die baan beweeg. Ek dink elke keer wanneer Rafael Nadal in ’n Grand Slam speel, is hy een van die gunstelinge – of selfs dié gunsteling – om die toernooi te wen.”
Gentlemen's Singles – Projected Quarter-finals
Djokovic vs Alcaraz
Ruud vs HurkaczBerrettini vs Tsitsipas
Auger-Aliassime vs Nadal#Wimbledon— Wimbledon (@Wimbledon) June 24, 2022
In ’n buitengewone poging om die spelers meer gewoond aan die toestande te maak, het organiseerders toestemming gegee dat daar op Wimbledon se hoofbane geoefen mag word.
Nadal en Italië se Matteo Berrettini het saam op die ikoniese Centre Court geoefen.
Intussen is Novak Djokovic ook oorgehaal om die toernooi vir die vierde agtereenvolgende keer te wen. Die topgekeurde speler het al 79 van sy 89 wedstryde op Wimbledon gewen.
Dan sal Serena Williams haar Wimbledon-veldtog teen Frankryk se Harmony Tan begin.
Die 40-jarige Williams, wat 23 Grand Slam-titels agter haar naam het, was vir ’n lang ruk buite aksie nadat sy verlede jaar ’n besering in die einste toernooi opgedoen het.
Sy is tans 1 204de op die wêreldranglys en haar voorbereidingswerk vir die ikoniese grasbaantoernooi het ook ’n knou gekry. Haar dubbelspelspanmaat, Ons Jabeur, het ’n kniebesering opgedoen en moes noodgedwonge aan die Eastbourne-toernooi onttrek.
An historic pre-tournament practice on Centre Court for Matteo Berrettini and @RafaelNadal#Wimbledon | #CentreCourt100 pic.twitter.com/bT9DtMLcaB
— Wimbledon (@Wimbledon) June 23, 2022