Nuwe elite-reeks om SA atlete met voorbereiding te help

wegspringblokke-atletiek

Foto: Thecoachingtoolscompany.com

Atletiek Suid-Afrika het bevestig dat ʼn nuwe elite-atletiekreeks van vier byeenkomste oor vier opeenvolgende naweke vanjaar sal plaasvind.

Die byeenkomste sal die land se voorste atlete wat oorsee aan ʼn magdom byeenkomste en atletieknommers deelneem in hul voorbereiding help.

Die eerste byeenkoms in die elite-reeks word op 28 Februarie in Durban gehou. Daarna volg Bloemfontein (8 Maart), Potchefstroom (15 Maart) en Germiston (22 Maart).

Dit sal onder meer ook help om atlete voor te berei vir al die internasionale byeenkomste waaraan Suid-Afrika se elite-atlete vanjaar sal deelneem.

Dit sluit in die Wêreldaflos in die Bahamas (22-23 April); die Afrika- junior kampioenskap in Tlecem in Noordwes-Nigerië (12-15 Mei); die Afrika-jeugkampioenskap in Bata; Ekwitoriaal-Guinee (29 Junie tot 2 Julie); die Wêreld-jeugkampioenskap in Nairobi; (12-16 Julie); die Statebond-jeugkampioenskap in die Bahamas (19-23 Julie); en die IAAF se Wêreldkampioenskap in Londen (4-13 Augustus).

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

mar ·

Daar is geld hiervoor maar nie vir…. skole en hospitale en paaie en damme en droogtehulp en pensioene en veiligheid en teen korrupsie en en en en nie…

marous ·

Daar is geld hiervoor maar nie vir…. skole en hospitale en paaie en damme en droogtehulp en pensioene en veiligheid en teen korrupsie en en en en nie…

anna ·

Atlete word afgeskeep in die land. Veral as jy hoor wat rugbyspelers kry. En dit is baie meer harde werk. Harde werk vir enige kleur. N skoon sport met geen voordele in DIE land.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.