SA appelleer teen Semenya-bevinding

Caster Semenya. Foto: Reg Caldecott.

Atletiek Suid-Afrika (ASA) sê hy gaan appelleer teen die Internasionale Hof vir Sportarbitrasie (CAS) se besluit wat atlete soos Caster Semenya sal dwing om medikasie te neem om hulle testosteroonvlakke te verlaag. Semenya is ʼn dubbele Olimpiese kampioen in die 800 m.

Die hof het vroeër vandeesmaand die Internasionale Vereniging vir Atletiekfederasies (IAAF) se bevinding bekragtig dat alle vroueatlete wat seksueel “anders” ontwikkel, die medikasie moet gebruik as hulle teen ander vroue wil meeding.

Luidens ’n verklaring van die departement van sport en ontspanning, grond hy sy besluit om te appelleer op verskeie punte: die ASA se versoek dat twee van die arbiters hulle aan die paneel onttrek omdat hulle vroeër betrokke was by die saak van die Indiese naelloper Dutee Chand wat ook deur die beslissing geraak word; die ASA se mening dat die feite wat aan die hof voorgelê is en die beslissing nie ooreenstem nie; en die feit dat die hof sekere regsvrae nie beantwoord het nie.

Die hof het bloot aan die IAAF gesê dat hy kan doen wat hy goeddink, het die departement gesê.

Daar is byvoorbeeld geen duidelikheid oor hoe die IAAF die regulasies gaan implementeer nie, of hoe die etiese kwessies benader gaan word nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
Maria

Ontregverdig !!! teen oor die ander vrouens wat net so moes hard werk terwyl “sy/hy” maklik met groot smile wen. As ek ander was so nie met moeite deel neem saam CAster nie. Niks met rasse nie doen nie dit ONTREGVERDIG dan gaan almal wegkom daarmee soos simpel !

Chrisjan

Ag foeitog, wie dink ASA is hulle? Klein vissie in ‘n groot dam. Wat dink hulle gaan hulle bereik? Onthou, die IAAF is nie idiote nie, hulle het net die beste kundiges al wil Semenya-gesindes dit nie weet nie. ASA mors almal se tyd.

PJC

ASA het nie geld om atlete wat daarvoor kwalifiseer oorsee te stuur nie maar het miljoene om Caster te ondersteun. Dit wys weereens tot waar het SA nou gevorder.

Robert

…en een van hulle redes sal wees…… rassisme? Plaas julle die geld gebruik om plaaslike atlete op te lei? maar ons is mos die uitverkore so nou moet alles net regloop. vat ‘n pak soos ‘n ma/vrou en basta!!!

Anel

En wie dra die regskostes? As jy man wil wees neem teen mans deel. As jy teen dames wil deelneem, wees ‘n vrou. Besluit wat jy wil wees en betaal self vir jou arogansie. Los ons as publiek uit. Gebruik die geld om ander atlete te help met hul onkostes. Nie vir een selffsugtige iets nie. Daar is baie belowende atlete wat sal kan doen met daardie geld. Help hulle eerder.