Van Niekerk dra landsvlag by Spele se openingseremonie

Wayde van Niekerk (Foto: @WaydeDreamer, Twitter)

Wayde van Niekerk (Foto: @WaydeDreamer, Twitter)

Suid-Afrika se wêreldkampioen in die 400 m, Wayde van Niekerk, is aangewys as die vlagdraer vir die Suid-Afrikaanse Olimpiese span tydens vanjaar se openingseremonie by die Olimpiese Spele in Rio de Janeiro.

Hierdie aankondiging is Vrydagaand tydens die afskeidsete vir die Olimpiese en Paralimpiese span by Emperors Palace in Kemptonpark, Johannesburg, gemaak. Die Spele begin op 5 Augustus.

Die 24-jarige van Niekerk is ’n sterk aanspraakmaker op die goue medalje in die 400 m-wedloop vir mans. Suid-Afrika word deur 137 atlete verteenwoordig. Dit is 12 meer as in 2012 by die Londense Spele.

Die spiesgooikampioen, Zanele Zitu, sal tydens die Paralimpiese Spele se openingseremonie die Suid-Afrikaanse vlag dra.

Daar word vanjaar 44 medaljes by die Olimpiese Spele van die twee Suid-Afrikaanse spanne verwag. In 2012 het hulle 35 gewen waarvan 29 deur die Paralimpiese span was.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

7 Kommentare

Ruan ·

Awe my bru!!! Baie geluk!!!
Wayde jy sal moet uithaal en wys! Alle oe en hoop is op jou gerug.
Wees kalm, wees voorbereid en hardloop in geloof.

MAG GOD SAAM MET AL ONS ATLETE WEES!

Ruan ·

Awe my bru!!! Baie geluk!!!
Wayde jy sal moet uithaal en wys! Alle oe en hoop is op jou gerug.
Wees kalm, wees voorbereid en hardloop in geloof.

MAG GOD SAAM MET AL ONS ATLETE WEES!

vermeende ·

Dit is vir elke atleet die grootste eer om aan die spele te deel maar die vlag dra…..
Elke vlag het n geskiedenis en verbeeld die ID van die volk wat dit verteenwoordig.
Wat beeld die nuwe SA vlag uit, g-string, geen wonder ons het so baie verkragtings nie.

Sterkte aan die atlete.

Waardig ·

Wayde is waardig om die vlag te dra, baie hartseer dat ons nie die son oor ‘n ander se kop gun nie. Hierdie jong man werk ongelooflik hard en is die nederigste atleet ooit. Wayde wapper daai vlag, ons wat weet wat atletiek is en weet jy is die waardigste om daardie vlag omhoog te hou!!!! Wys die negatiewes en die wêreld wat jy kan doen!

Lance ·

G-string ….lag ek nou lekker. Wayde gaan maak ons trots jy kan …praat bq afr daar as jy wil skinner hoor :) Sterkte !

Trotse oomblik ·

Trotse oomblik vir die beste keuse, Wayde van Nierkerk geniet die Spele!

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.