Lloyd Harris – wen Vrydag, maar olikheid kos hom moontlik Satedag se enkelspelwedstryd. (Foto GB Jordaan)
Suid-Afrika se eerste Davisbekerwedstryd teen Israel in 17 jaar is eers in die vyfde van die vyf wedstryde in Irene, net buite Pretoria beslis.
Israel het die kragmeting met 3-2 gewen.
Dit was Suid-Afrika se eerste wedstryd ná sy bevordering na Groep 1 van die kompetisie.
Nik Scholtz, wat Vrydagmiddag in sy eerste enkelspelwedstryd met 1-6, 7-6, 5-7 teen Israel se Dudi Sela verloor het, moes Saterdagmiddag weer uithaal om die beslissende wedstryd vir Suid-Afrika te probeer wen, maar het met 3-6, 5-7 teen Edam Lesham vasgeval.
Verloor beslissende enkelspel na moedige stryd . (Foto GB Jordaan)
♦ Saterdag het Suid-Afrika die voorsprong in die kragmeting geneem toe die dubbelspelpaar Ruan Roelofse en Raven Klaassen hul wedstryd ná 128 minute teen die Israeli’s se Jonathan Erlich en Daniel Cukierman met 5-7, 6-4, 6-4 gewen het.
Maar toe het Suid-Afrika se Lloyd Harris, nadat hy die taai eerste stel teen Sela met 6-7(2) naelskraap verloor het, nie veel teenstand in die tweede stel gebied nie nadat hy olik was.
Hy het die stel met 1-6 verloor nadat hy Saterdag sy eerste enkelspelwedstryd met 7-5, 6-4 teen Leshem gewen het.
