Dis amper weer Epic-tyd

Die Absa Cape Epic begin op 17 Maart. Foto: Facebook.

Dit word deur talle fietsryers as die moordendste bergfietswedren ter wêreld beskryf en dit is werklik taaier as jou oupa se bakkie op die plaas.

Die Absa Cape Epic begin op 17 Maart by die Universiteit van Kaapstad en bykans 700 stofbesmeerde kilometers wag op die deelnemers. As daar nou een wedren is wat jou melkbaardjie in ’n klipharde stoppelbaard verander, dan is dit die Epic.

Verlede jaar se wedren is deur Jaroslav Kulhavy van die Tsjeggiese Republiek en Howard Grotts van die VSA se gewen.

Kulhavy is ’n voormalige Olimpiese kampioen terwyl Grotts al derde by die o. 23-Wêreldkampioenskap klaargemaak het.

Onder die plaaslike deelnemers is daar ’n hele paar bekendes. Die Springboklosskakel Joel Stransky het al hard met die Kaapse grond kennis gemaak, terwyl Jan Braai, Shaun Bartlett, John Smit, Mark Fish en Vanessa Haywood ook al die wedren aangepak het.

Die Epic is dié bergfietswedren wat in die meeste lande op TV uitgesaai word.

  • Datum: 17-24 Maart
  • Skofte:

Voorskof: 21 km met 600 m se klim

Skof I: 112 km met 2 700 m se klim

Skof II: 86 km met 2 250 m se klim

Skof III: 103 km met 2 800 m se klim

Skof IV: 43 km met 1 000 m se klim

Skof V: 100 km met 2 850 m se klim

Skof VI: 89 km met 2 650 m se klim

Skof VII: 70 km met 1 800 m se klim

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.