George Coetzee maak geskiedenis by die Tshwane Ope

Argieffoto

Daar was reeds op dag een van die Tshwane Ope-gholftoernooi by die Pretoria-buiteklub in Waterkloof duidelike tekens dat die spelers uitstekende tellings sou aanteken. Vanjaar se sesde Tshwane Ope is deur die Suid-Afrikaner George Coetzee gewen. Coetzee het die laaste dag op -14 begin en op -18 geëindig, twee houe beter as sy naaste teenstander.

Coetzee het vroeg twee houe aan syfer afgestaan en was in ʼn stadium met twee houe agter. Hy het egter ses voëltjies in tien putjies aangeteken tussen die sesde en vyftiende putjies.

Spel is twee keer deur reën onderbreek en die toernooi het Sondag net ná 18:00 geëindig. Coetzee het net soos in 2015 ʼn voëltjie op die 18de behaal om die titel syne te maak. Coetzee het daarmee geskiedenis gemaak en die eerste speler geword om die titel vir ʼn tweede keer te verower. Die Pretoria-buiteklub is waar Coetzee sy gholf as jong seun geslyp het vir die professionele arena. Coetzee het byna R2,4 miljoen met die oorwinning verdien.

Net vier Suid-Afrikaners kon in die top-10 op die voorlopersbord eindig. Engeland se Sam Horsfield was tweede met Finland se Mikko Korhonen derde.

PosSpelerTelPutDagRnd 1Rnd 2Rnd 3Rnd 4Tot
1George Coetzee-18F-467646867266
2Sam Horsfield-16F-468696467268
3Mikko Korhonen-15F-368646968269
4Felipe Aguilar-14F-465677167270
Daniel van Tonder-14F-667726665270
Sebastien Gros-14F-669706665270
7Scott Jamieson-13F-367696768271
8Pedro Oriol-11F-971697162273
Thomas Aiken-11F-165716770273
10Erik van Rooyen-10FE68686771274

 

Voor vanjaar se toernooi is vier van die vyf Tshwane Ope-toernooie deur Suid-Afrikaners verower. Hulle is Dawie van der Walt (2013), George Coetzee (2015), Charl Schwartzel (2016) en Dean Burmester (2017).

Klik hier vir meer inligting.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.