Die golfscape-span het die top-100-gholfbane van oor die hele wêreld aangewys. En hoewel Suid-Afrikaanse bane dalk nie die geskiedenis van ’n St. Andrew’s of dalk noodwendig die natuurskoon van ’n Royal County Down in Ierland het nie, kan hulle beslis met van die beste bane ter wêreld saamgesels.
Hier is Suid-Afrika se voorste bane:
- The Links-baan op Fancourt (19de ter wêreld):
Die legendariese Gary Player voel dat dié baan in George die kroonjuweel van sy ontwerppogings is. Met
sy kenmerkende sandduine is die Links die handewerk van Player, Phil Jacobs en dr. Hasso Plattner.
- Leopard Creek-buiteklub (26ste ter wêreld):
Nóg ’n baan wat deur Player ontwerp is. Leopard Creek is so te sê by die Nasionale Krugerwildtuin en op die oewer van die Krokodilrivier. Volgens golfscape is die 13de putjie veral iets om oor huis toe te skryf met sy ongelooflike uitsig oor die rivier en die veld.
- Royal Johannesburg & Kensington (28ste ter wêreld):
Dié baan het reeds nege keer gasheer vir die Suid-Afrikaanse Ope gespeel. Die oostelike baan word as Afrika se beste baan vir die afgelope twee jaar beskou.
- Die top-10-gholfbane ter wêreld:
- Royal Dornoch in Skotland
- Royal County Down in Noord-Ierland
- Royal Melbourne in Australië
- Pebble Beach in die VSA
- Cabot Cliffs in Kanada
- Andrew’s in Skotland
- Pacific Dunes in die VSA
- Kingston Heath in Australië
- Ballybunion in Ierland
- New South Wales in Australië