ʼn Omstrede beslissing van die Amerikaanse Ope se organiseerders het tot kwaai kritiek van spelers gelei en gedreig om die aandag van Dustin Johnson se puik oorwinning en eerste Ope-titel af te trek.
Johnson het Sondag met 1-oor van derde plek af gekom om die titel te wen. Op die vyfde putjie het sy bal egter op die setperk beweeg voordat hy die sethou gespeel het.
Hy het ʼn skeidsregter om ʼn beslissing gevra en is aangesê dat alles in orde is net om later te hoor dat hy dalk met ʼn hou gepenaliseer kon word.
Hy het twee uur lank met die wete gespeel en was dus nooit seker hoe ver hy voor was nie.
Dit strafhou is toe wel na voltooiing van die ronde bevestig, maar Johnson was nietemin daarná steeds drie houe voor om as kampioen aangewys te word.
Twee van die gunstelinge, Rory McIlroy en Jordan Spieth, wat albei lelik in die toernooi uitgesak het, het toe op die sosiale media losgetrek oor die onregverdige en onnodige spanning wat dit op Johnson moes geplaas het. McIlroy het die optrede en beslissing as ʼn “klug” bestempel.
Suid-Afrika se Branden Grace het 1-oor gespeel en daarmee die gesamentlike vyfde plek ingeneem.
Die voorloper met die aanvang van die laaste ronde, Shane Lowry, het met 6-oor in die laaste ronde die gesamentlike tweede plek ingeneem.
Die man wat vroeg-vroeg in die toernooi die aandag getrek het en na twee rondes nog voor was, Andrew Landy, het van derde plek met die aanvang af met ʼn liederlike 8-oor in die laaste ronde die gesamentlike 15de plek ingeneem.
Louis Oosthuizen en Charles Schwartzel het albei gesamentlik 23ste plek ingeneem na ʼn finale ronde van onderskeidelik 3-oor en 4-oor.
Die voorste tellings –
1 | Dustin Johnson | 67 | 69 | 71 | 69 | 276 |
G2 | Jim Furyk | 71 | 68 | 74 | 66 | 279 |
G2 | Scott Piercy | 68 | 70 | 72 | 69 | 279 |
G2 | Shane Lowry | 68 | 70 | 65 | 76 | 279 |
G5 | Sergio Garcia | 68 | 70 | 72 | 70 | 280 |
G5 | Branden Grace | 73 | 70 | 66 | 71 | 280 |
7 | Kevin Na | 75 | 68 | 69 | 69 | 281 |
G8 | Jason Dufner | 73 | 71 | 68 | 70 | 282 |
G8 | Zach Johnson | 71 | 69 | 71 | 71 | 282 |
G8 | Jason Day | 76 | 69 | 66 | 71 | 282 |
G8 | Daniel Summerhays | 74 | 65 | 69 | 74 | 282 |
12 | David Lingmerth | 72 | 69 | 75 | 67 | 283 |
G13 | Brooks Koepka | 75 | 69 | 72 | 68 | 284 |
G13 | Kevin Streelman | 69 | 74 | 69 | 72 | 284 |
G15 | Brendan Steele | 71 | 71 | 70 | 73 | 285 |
G15 | Bryson DeChambeau | 71 | 70 | 70 | 74 | 285 |
G15 | Andrew Landry | 66 | 71 | 70 | 78 | 285 |
G18 | Marc Leishman | 71 | 69 | 77 | 69 | 286 |
G18 | Graeme McDowell | 72 | 71 | 71 | 72 | 286 |
G18 | Gregory Bourdy | 71 | 67 | 75 | 73 | 286 |
G18 | Adam Scott | 71 | 69 | 72 | 74 | 286 |
G18 | Sung Kang | 70 | 72 | 70 | 74 | 286 |
G23 | Jon Rahm (a) | 76 | 69 | 72 | 70 | 287 |
G23 | Byeong Hun An | 74 | 70 | 73 | 70 | 287 |
G23 | Chris Wood | 75 | 70 | 71 | 71 | 287 |
G23 | Andy Sullivan | 71 | 68 | 75 | 73 | 287 |
G23 | Louis Oosthuizen | 75 | 65 | 74 | 73 | 287 |
G23 | Russell Knox | 70 | 71 | 73 | 73 | 287 |
G23 | Yusaku Miyazato | 73 | 69 | 71 | 74 | 287 |
G23 | Charl Schwartzel | 76 | 68 | 69 | 74 | 287 |
G23 | Derek Gathauer | 73 | 69 | 70 | 75 | 287 |
Geluk aan Dustin! Die Ope is onder moeilike omstadighede gespeel. Knap gedaan!