SA en Schwartzel se kanse vervaag verder

Charl Schwartzel. Foto: AP Photo/Ben Curtis

Charl Schwartzel. Foto: AP Photo/Ben Curtis

Dit was nóg ʼn teleurstellende dag vir die Suid-Afrikaners by die Britse Ope.

Suid-Afrika se hoop om die toernooi te wen het sommer ná die eerste ronde al van een van die toernooi-gunstelinge Brandon Grace na Charl Schwartzel verskuif en hý het in die derde ronde Saterdag tot die negende plek teruggesak.

Schwartzel is nou saam met Keegan Bradley, Sergio Garcia en Patrick Reed op 211. Dit is twee houe onder baansyfer nadat hy Saterdag twee houe aan syfer afgestaan het. Dit gee hom nie juis ʼn kans om die titel te wen nie.

Die Sweed, Henrik Stenson, beklee tans die eerste plek op 201 – 12 houe onder die baansyfer en een hou voor die Amerikaner en 2013-Ope-wenner Phil Mickelson, wat eers teen die einde sy voorsprong afgestaan het.

Sou Mickelson dit regkry om Stenson verby te steek en vanjaar se toernooi te wen, word hy die sewende agtereenvolgende Amerikaner wat die Britse Ope op die Royal Troon-gholfbaan wen.

Van die vier Suid-Afrikaners wat die afsnypunt oorleef het, het Richard Sterne (nou op 5-oor), Zander Lombard (6-oor) en Grace (7-oor) ʼn droewige dag agter die rug nadat al drie op die telbord teruggesak het.

Die Ope-debutant Haydn Porteous was Saterdag die enigste Suid-Afrikaanse ligpunt nadat hy vier houe onder syfer aangeteken het en nou op 214 staan – een hou oor baansyfer.

♦ Hoewel Saterdagoggend redelik sonnig was, het reën laatmiddag weer op die Royal Troon-baan uitgesak. Ligte reën en sterk wind word weer vir die laaste ronde voorspel en kan die uitslag beïnvloed.

Voorste tellings:

NAAMLAND123TOTAAL
Henrik StensonSwede686568201
Phil MickelsonVSA636970202
Bill HaasVSA687069207
Andrew JohnstonEng696970208
J.B. HolmesVSA707069209
Soren KjeldsenDen676875210
Steve StrickerVSA677568210
Tony FinauVSA677172210
Keegan BradleyVSA676876211
Patrick ReedVSA667471211
Charl SchwartzelRSA726673211
Sergio GarciaSpanje687073211
Tyrrell HattonEng707171212
Zach JohnsonVSA677075212
Kevin NaVSA706973212
Dustin JohnsonVSA716972212
Jim HermanVSA707072212

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.