Ierland se Curtis Campher het slegs die derde bouler geword om vier paaltjies van vier aflewerings in ’n internasionale T20-wedstryd te neem.
Die 22-jarige veelsydige speler, wat in Johannesburg gebore is en vir die nasionale o.19-span gespeel het, het 12 lopies van sy eerste boulbeurt teen die Nederlandse kolwers afgestaan.
Maar in sy tweede boulbeurt het hy omtrent verwoesting gesaai om van Colin Ackermann, Ryan ten Doeschate, Scott Edwards en Roelof van der Merwe ontslae te raak.
Boonop is drie van sy slagoffers – Ackermann, Ten Doeschate en Van der Merwe – ook in Suid-Afrika gebore.
Afghanistan se Rashid Khan en Sri Lanka se Lasith Malinga is die enigste ander boulers wat met ’n soortgelyke prestasie op die internasionale verhoog kan spog.
Nederland is uiteindelik vir 106 lopies uitgeknikker en die Iere is goed op dreef om die teiken in te haal.
- Ander boulers wat vier paaltjies van vier agtereenvolgende aflewerings geneem het:
Rashid Khan (2019 teen Ierland): Sy slagoffers was Kevin O’Brien, George Dockrell, Shane Getkate en Simi Singh.
Lasith Malinga (2019 teen Nieu-Seeland): Hy het van Colin Munro, Hamish Rutherford, Colin de Grandhomme en Ross Taylor ontslae geraak.
Curtis Campher bags Double Hat-trick????#CurtisCampher #T20WorldCup #IREvNED pic.twitter.com/7YxT4CXQbc
— Harshal Barot (@HarshalBarot7) October 18, 2021
What an over! ????????#BackingGreen ☘️???? #Exchange22 pic.twitter.com/AvkPomJ3Jm
— Cricket Ireland (@cricketireland) October 18, 2021
Baie Geluk
Ons gaan nog baie spyt wees oor die talent wat die land verlaat om n ander heenkome te vind.
Baie geluk, dit wil gedoen wees.