AB, Cameron verwoes Britse boulers

AB de Villiers in aksie vir Middlesex. Foto: Facebook.

AB de Villiers het die naweek op Lord’s gewys waartoe hy in Engelse toestande in staat is, toe hy sommer so met die intrapslag ’n onoorwonne 88 lopies van slegs 43 aflewerings vir Middlesex teen Essex geslaan het.

Die 35-jarige superster se blitsige beurt het gehelp dat Middlesex die wedstryd met sewe paaltjies gewen het. In ’n onderhoud ná die wedstryd het De Villiers gesê dat hy sy eie verwagtinge oortref het, maar dat hy onmiddellik tuis in die Engelse span se kleedkamer gevoel het.

De Villiers is egter nie die enigste Suid-Afrikaanse kolwer wat amok in die Vitality Blast-reeks maak nie.

Die Dolphins-breker, Cameron Delport, speel vir Essex en hy was in ’n verwoestende bui teen Surrey toe hy ’n honderdtal van net 38 aflewerings gemoker het.

Hy het uiteindelik 129 lopies aangeteken en hy teken sy lopies teen ’n ongelooflike treftempo van 247,16 in die reeks aan.

Ander Suid-Afrikaners is Ryan ten Doeschate (wat in Port Elizabeth gebore is en nou vir Essex speel), Collin Ingram (Glamorgan), Dawid Malan (op Paarl Boys’ High sy skoolloopbaan voltooi en nou vir Middlesex in aksie), Jacobus du Plooy (Derbyshire), Dane Villas (Lancashire) en Riki Wessels (Worcestershire).

  • Die voorste Suid-Afrikaanse kolwers:
  1. Cameron Delport: twee wedstryde, 131 lopies, hoogste telling van 129 en ’n treftempo van 247,16
  2. AB de Villiers: een wedstryd, 88 lopies, hoogste telling van 88* en ’n treftempo van 204,65.
  3. Collin Ingram: twee wedstryde, 67 lopies, hoogste telling van 50* en ’n treftempo van 167,50
  • Onder die boulers tel Roelof van der Merwe, Kyle Abbott en Hardus Viljoen onder die bestes.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

9 Kommentare

jongste oudste gewildste
JA NE

plaas proteas maar trots in sak gesteek het met wereldbeker….

ChrisE

Ek is nie een wat aan sameswerings teorieë en ander soortgelyke snert glo nie. Ek is of raak nie sommer swartgallig oor enige iets nie. Ek hoop net nie die Springbokke verval in dieselfde groef as die Proteas nie. Ons het mense nodig wat op hul voete kan dink. Die krieketafrigter wat die Proteas tans het, wie en wat het hom aangestel. Ons sit in SA met die beste afrigters. Dit is plein net moedswilligheid, kortsigtighied en blatante teistering van die persone wat nie in posisies hoort nie. Ek glo natuurlik dat elke hond sy dag kry, ‘n brak kry… Lees meer »

Danie

AB en andere maak mens soo trots

Patrys

Mooi so AB – mooi bly – dankie vir niks. Sam.

Trevor

Jaaa, AB, skielik is jy nie meer moeg nie, ne? Toe SA jou nodig gehad het, speel jy wegkruipertjie. Net om jou te “blok myself” die aand voor die span bekend gemaak word. Die tweede beste kolwer in die geskiedenis maak toe so…..