Beserings bly by Proteas spook

Lungi Ngidi. Foto: Cricinfo.

Suid-Afrika se beseringslys is besig om vinnig langer te word, met Lungi Ngidi wat gister met dyspierprobleme van die Oval gestap het.

Hy sal waarskynlik vir 10 dae op die krukkelys wees en sal beslis buite aksie vir Woensdag se Indië-kragmeting in Southampton wees.

Die nuus word egter slegter – hy sal waarskynlik ook nie vir die Proteas se vierde wedstryd van die toernooi teen Wes-Indië op 10 Junie beskikbaar wees nie.

Ngidi het gister 34 lopies in sy vier boulbeurte afgestaan vóór hy in die sewende boulbeurt van die wedstryd van die veld gestap het.

Dit is later bevestig dat hy nie weer in die kragmeting sal boul nie en dat sy linkerbeen se dyspier hom moeilikheid gee.

Dit is net nóg ’n beseringshou vir Faf du Plessis se boulaanval, wat wyd en syd verkondig het dat hulle met hul snelbattery die aanvalswerk wil doen.

Hulle het egter teen Engeland in die openingswedstryd gesukkel, terwyl Bangladesj ook gister teen hulle baljaar het.

Protea-spanbestuurder, Mohammed Moosajee, het bevestig dat Ngidi beslis die Indië-wedstryd sal misloop.

“Sy besering beteken dat hy vir tussen ’n week en 10 dae buite aksie sal wees. Die plan is hom gereed te hê vir die wedstryd teen Wes-Indië,” het Moosajee gesê.

Dale Steyn behoort hom in die beginspan te vervang, terwyl Hashim Amla ook sy terugkeer kan maak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Siener

En so begin die verskonings. Sies tog— as julle te veel beserings het in die span is dit beter om te onttrek uit die wereld beker.

Waarheid

Ek stem saam Siener.
Op die oomblik mors hulle net geld.
Hulle beteken niks.

Wat?

Nou wie se skuld is dit hul het n klomp gekrokktes gekies vir die WB???

Judge Dredd

Is ‘n Spook wit ?
In daai geval, goed so – spook maar voort.

Sarel

Dit gaan ook nie beter gaan met daai, wat is die naam nou weer, wat die Springbok in die Wereldbeker Rugby gaan vervang. Geen trots meer nie.