Beweerde balknoeiery: SA krieketkaptein kan toets misloop

Faf du Plessis

Faf du Plessis

Faf du Plessis, Suid-Afrika se waarnemende krieketkaptein in die plek van AB de Villiers, is in die pekel oor beweerde balknoeiery en kan moontlik die derde kriekettoets teen Australië misloop.

Dié toets, die sogenaamde pienkbal-toets, begin op 24 November in Adelaide. Die voormalige Suid-Afrikaanse paaltjiewagter, Dave Richardson, wat nou die uitvoerende hoof van die Internasionale Krieketraad (IKR) is, het Du Plessis aangekla.

Die IKR sê in ʼn verklaring die voorval het Dinsdagoggend, die vierde en laaste dag van die toets, plaasgevind. Die liggaam sê die televisiebeeld wys duidelik hoe Du Plessis speeksel van ʼn peperment – ʼn kunsmatige middel in die konteks van balversorging op die veld – aan die bal smeer, met die doel om die toestand en dus die ‘gedrag’ van die bal te verander.

Soos die toeval dit wou hê, is ʼn paaltjie met die volgende bal geneem.

Du Plessis is in Oktober 2013 skuldig bevind aan balknoeiery tydens ʼn toets teen Pakistan en is met 50% van sy wedstrydgeld beboet.

Du Plessis het egter skuld ontken oor Dinsdag se voorval. Die wedstrydskeidsregter, Andy Pycroft, sal die saak aanhoor, maar ʼn datum daarvoor is nog nie vasgestel nie.

ʼn Vlak 2-oortreding van die gedragskode dra die straf van ʼn boete van 50-100% van die wedstrydfooi, plus ʼn moontlike skorsing. Krieket Australië het nie die klag aanhangig gemaak nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Willie

Is daar nie nog so x 10 spelers wat iets snaaks gedoen het nie, hulle kan dalk geskors word vir die volgende game en Australie die kans gee om dalk te wen??? belaglik!!

Columbiana

Wat op aarde kan bietjie mint aan die bal doen? Lig in asb

Jonathan

Ja FAF Lekker dom – nie gedink nie

Grant

Hulle gaan jammer wees as SA vir Rilee kies dan gaan hulle nog verder verloor!

Marianne

Speeksel van ‘n peperment…. Regtig? Asof DIT nou ‘n bal sal verander.
Dis suur druiwe amen en klaar. As een span verloor sal die ander span ‘n swart kol erens he om dit te staaf.