Quinton de Kock (Foto: Cricket South Africa, Facebook)
Krieket Suid-Afrika (KSA) het Dinsdag Quinton de Kock as kaptein vir die komende eendagreeks teen Engeland aangekondig. De Kock vervang Faf du Plessis.
KSA het vroeër vandag sy eendaggroep vir volgende maand se eendagreeks bekend gemaak. Du Plessis is nié in die groep ingesluit nie.
Die groep spog met vyf nuwelinge: Lutho Sipamla, Sisanda Magala, Bjorn Fortuin, Janneman Malan en Kyle Verreynne.
Vier van die spelers se insluiting by die groep hang egter daarvan af dat hulle eers ’n fiksheidstoets slaag en hulle is tans in Pretoria vir afronding voordat die span op 31 Januarie in Kaapstad vergader. Hierdie spelers is Lungi Ngidi, Sisanda Magala, Tabraiz Shamsi en Jon Jon Smuts.
Die eendaggroep: Quinton de Kock (k), Reeza Hendricks, Temba Bavuma, Rassie van der Dussen, David Miller, Jon Jon Smuts, Andile Phehlukwayo, Lutho Sipamla, Lungi Ngidi, Tabraiz Shamsi, Sisanda Magala, Bjorn Fortuin, Beuran Hendricks, Janneman Malan en Kyle Verreynne.
De Kock moet vir die Aussies gaan speel, net soos Labuschagne. Hy mors sy talent hier.
Hys nie goed genoeg vir Aus nie. Hy is te veel op en af. Kyk na die 3de toets, hy moet uitstaan en blok, en kyk na sy los houe, en toe kos dit sy paaltjie.
Volg Rassie se voorbeeld met kaptein en julle wen die wêreldbeker.
Dankie tog SA is ontslae van ‘n kougom-kouende,ongeskeerde en swak rolmodel vir ‘n krieketkaptein.
Ek stem 100% met jou saam. Die beeld wat sommige van ons spelers, spesifiek Faf en Philander, uitstraal is SWAK!!! Daardie oopmond kouery steek my dwars in die krop. Dit was een van die eerste dinge wat my ma my as kind eleer het – eet ordentlik!!!
Fantasties! Lankal tyd vir n ander Kaptein.
Stem – nou net verbetering begin sien
Politiek neuk ons sport op. Kyk gerus na O19 verloor teen Afghanistan met sewe paaltjies.
Die eerste paragraaf se inhoud is verkeerd! Faf is steeds kaptein vir die 4de toets.
Dagsê Krisjan
Dit was inderdaad ‘n fout. Ons vra om verskoning daarvoor. Die artikel is gewysig.
Dankie! Groetnis
Megan
nms Maroela Media
@Kriek die Afghanistan o/19 span is n baie goeie span en hulle het ook vir Australie in n opwarmings wedstryd geklop.
@Timjan, opwarmings wedstyd beteken niks. Net soos die volwasse span, choke die u/19.
Well done!!! So trots op jou!! Jy is maar net die beste. Voorspoed!!
Opskrif van berig foutief. De Kock is aangewys as die kaptein van die eendag-toetse. Faf bly nog steeds kaptein van die regte krieketspel.
Dagsê Thelsa
Ons vra om verskoning vir die verwarring. Die artikel is gewysig.
Dankie! Groetnis
Megan
nms Maroela Media
Alhoewel ek saam stem as julle sê dat ons ‘n ander kaptein benodig, stem ek nie saam dat De Kock die kaptein moet wees nie. Sy persoonlikheid is nie 100% reg vir hierdie posisie nie. Ek will amper sê dat ons beste opsie Rassie vdd is – hy het die regte ‘fighting’ spirit.
Baie geluk Quinton met jou kapteinskap, ek glo jy sal baie goed doen as kaptein, ons is trots op jou.
Geluk aan De Kock maar n kaptein sonder die regte spelers gaan ook nie suksesvol wees nie. Nog n maklike reeks oorwinning vir die Pommies in die eendag reeks.
Janee, die kwota stelsel begin nou byt—net ses uit sewentien spelers is wit…Wonder wanneer gaan die IKR begin vrae vra oor hierdie stelsel…?
Seker nooit…want ons aanvaar die stelsel maar ewe gelate–solank ons net kan speel…!
M.D.R dit is hoekom ek sê al pns blanke seuns wat dink hulle het ‘n onternasinale loopbaan in sport, skryf net jou gr. 12 klaar en gaan oorsee. Dit geld vir alle sportr
Net ñ paardinge, my opinie. Die keurders weet seker beter as ons oor die eendag kapteinskap. Miskien is de Kock die beste. Ek hoop net nie dit gaan sy spel beïnvloed nie.
Vir n toetskaptein behoort Markram die ou te wees. Sy spelpeil moet ook net regkom. Met die nuwe afrigting span behoort dit reg te kom.
Ja ons spelers ,90 % van hulle se spelpeil is vêr onder internasionale standaard. Ons gaan nie vinnig weer daar uitkom nie. Dit gaan n rukkie neem.
Dit is tyd vir Faf om te gaan!
Die pommies kan al skoonskip agter hul naam skryf met die ou spannetjie wat SA in die veld stoot.