KSA erken sy tydsberekening was swak

Quinton de Kock. Foto: Hansie Linde.

Krieket Suid-Afrika (KSA) het erken dat sy tydsberekening beter kon gewees het om die Proteas in te lig dat hulle die knie vóór die aanvang van hul oorblywende Wêreldbeker-wedstryde moet buig.

KSA het Dinsdagoggend – ’n paar uur voordat die eerste aflewering teen die Wes-Indiese Eilande afgestuur is – die Proteas beveel om te kniel.

Quinton de Kock, wat hom weens persoonlike redes aan die kragmeting onttrek het, het intussen ná ’n “emosiebelaaide” gesprek met KSA-verteenwoordigers gesê hy sal bereid wees om die knie te buig “as dit sal help om ander op te voed en die lewe vir ander beter te maak”.

Hy het egter steeds in die rigting van KSA gekap.

“Ek gaan nie jok nie. Ek was geskok toe ons op pad na ’n belangrike wedstryd aangesê is om ’n opdrag uit te voer, terwyl ’n mens tussen die reëls kon lees wat die moontlike gevolge sou wees as jy dit nie doen nie,” het De Kock in ’n verklaring gesê.

Die 28-jarige paaltjiewagter meen ook dat dit wat op die wedstryddag gebeur het, vermy kon gewees het as KSA vroeër die situasie met die spelers bespreek het.

“Ek kon nie verstaan waarom ek met ’n gebaar iets moet bewys nie, terwyl ek daagliks by mense van alle rasse leer en vir hulle lief is. Wanneer jy sonder enige voorafbespreking aangesê word om iets te doen, is dit betekenisloos.”

KSA verwelkom die jongste verwikkelinge, asook dat dit die nasionale krieketbeheerliggaam se verbintenis tot ’n nierassige samelewing bevestig.

“Om ’n verenigde standpunt teen rassisme in te neem is ’n morele kwessie en nie polities van aard nie. KSA is egter spyt dat die tydsberekening van sy opdrag vroeër die week onthutsend vir die spelers was.”

Volgens De Kock is daar altyd drama by ’n Wêreldbeker-toernooi.

“Dit is onregverdig. Ek dink dit sou beter gewees het as ons alles vóór die toernooi kon uitsorteer. Sodoende kon ons slegs daarop konsentreer om wedstryde te wen.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

31 Kommentare

jongste oudste gewildste
Sobymykoolkop

As een blinde die ander blinde lei val altwee in die sloot.

Suzette

AG izziiit? Hoekom moet enige sportman in elk geval VERPLIG word om te kniel. Sulke onrealistiese en doelbewuste optrede deur bestuursinstansies, regering en politici is die oorsaak van rassisme. Almal is altyd tog so gou om aanspraak te maak op regte en vryheid van spraak – dis mos nou net die teenoorgestelde!!!

Kaptein67

KSA, dit gaan nie oor julle tydsbereking nie, dit gaan oor julle swak intergriteit…

Chris dupreez

KSA , julle tydsberekening was pateties, maar wat kan mens anders verwag.

Boeretroos

Regtig pateties Krieket SA julle ruggraatlose dwepers.