KSA se hoof voorlopig geskors

Thabang Moroe. Foto: KSA se Twitter-rekening.

Krieket Suid-Afrika (KSA) se uitvoerende hoof, Thabang Moroe, is geskors.

Die skorsing is onmiddellik van krag, maar hy sal steeds sy  salaris ontvang terwyl bewerings van wangedrag teen hom ondersoek word.

In ’n verklaring het KSA vir borge, spelers en ondersteuners se geduld gevra terwyl die Moroe-ondersoek afgehandel word. Die beheerliggaam het onderneem om belanghebbendes op hoogte van die ondersoek te hou.

Intussen sal daar samesprekings, onder andere met Dave Richardson, voormalige Protea-paaltjiewagter en uitvoerende hoof van die Internasionale Krieketraad, gehou word om ’n tydelike uitvoerende hoof vir KSA aan te stel.

Vroeër vandag het een van die Proteas se hoofborge, Standard Bank, aangekondig hy sal nie sy borgskap ná April 2020 hernieu nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Bekommerd

Ek verstaan nie.Hy het erken hy verkeerd opgetree en selfs verskoning gevra……….nou moet dit eers ondersoek word?

Comrade

Met volle betaling……the South African way.

Swartwolf

Daar kom die cANCer bestuur styl weer na vore. Kompleet onderprestasie en wanbestuur, dan sit hom op “gardening leave” terwyl hy sy R 1m + per jaar salaris ontvang. Dit gaan aan vir 6 maande of langer, terwyl hy wag om voor een of ander kommisie te verskyn. Dan as die stof gaan le het word hy herontplooi in een of ander snoesige rol waar hy min verantwoordelik het en min skade kan aangerig maar hy verdien steeds sy vet salaris. Patetiese patriagale sisteem, en ons het gedink die NP, Broederbonders en Rapportryers was erg ?

Anje

die “kader” sal net weer herontplooi word om iewers anders te gaan droogmaak

Netso

Ek ken n bietjie Sotho en die man se naam sê baie: thaba=berg , -ng gekoppel aan n snw=in/by/op. Dus thabang=in die berg. Hy doen sy naam gestand:veroorsaak n berg probleme.