Miller se kolf doen die praatwerk

Kagiso Rabada en David Miller vier die Proteas se oorwinning. Rabada se ses in die voorlaaste boulbeurt was ook van groot waarde. Foto: Indranil Mukherjee/AFP.

Kan jy dit oorvertel?

Die Proteas het vandag vir Sri Lanka met vier paaltjies geklop nadat Wanindu Hasaranga drie kolwers van agtereenvolgende aflewerings terug na die kleedkamer gestuur het.

Die Sri Lankaanse draaier het van Aiden Markram, Temba Bavuma en Dwaine Pretorius ontslae geraak om toe te sien dat die Suid-Afrikaners uiteindelik 15 lopies van die laaste boulbeurt nodig gehad het.

Die momentum was ongetwyfeld aan die eilandmanne se kant, want vir diegene wat nie weet nie: Die Proteas sukkel normaalweg om in ’n Wêreldbeker-wedstryd die wa deur die drif te trek; en hierdie drif se vastrapplek het maar bra glibberig gelyk.

Maar David Miller (23 van 13 balle) het twee agtereenvolgende sesse van Lahiru Kumara se boulwerk geslaan, terwyl die buiterand van Kagiso Rabada (13 van 7 balle) se kolf vir die wenlopies gesorg het.

Vóór al hierdie drama het Tabraiz Shamsi (3/17) saam met Pretorius (3/17) en Anrich Nortjé (2/27) toegesien dat Sri Lanka vir 142 uitgehaal is.

’n Mens weet egter dat die Suid-Afrikaanse boulers hulle goed van hul taak gaan kwyt; dit is die kolwers wat gereeld harde bene kou.

Reeza Hendricks en Quinton de Kock het hul paaltjies in dieselfde boulbeurt verloor, terwyl Temba Bavuma dalk weer te stadig vir ’n T20-wedstryd gekolf het.

Ja, ’n ankerbeurt is altyd welkom; maar dit lyk asof Bavuma net pleinweg sukkel, eerder as om met ’n plan te kolf.

Gelukkig kon Miller en Kie. die kastaiings uit die vuur krap.

Dit is goed om te sien dat die Proteas ook sulke wedstryde kan wen. Só ’n sege beteken waarskynlik meer vir hul spangees as enige ander gebaar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

14 Kommentare

jongste oudste gewildste
piet

Puik kapteinsbeurt deur Bavuma. Die gom wat die span bymekaar hou terwyl die manne een vir een om hom val. Rassie het die vorige wedstryd die ankerbeurt gespeel en het nog stadiger as Bavuma gekolf maar dit het gewerk. Voorwaarts mars.

Johan

Het hulle eers weer die ou kniegie gebuig met die armsalige ou vuisie in die lug….

Dirk Mostert

Bavuma het die boulers onoordeelkundig gebruik. Maharaj moes na 33 lopies in 3 beurte onttrek word, terwyl Pretorius net 3 ipv 4 bb gekry het. Markram is na 2 goeie bb onttrek. Rabada se derde bb was ‘n ramp.

piet

Dis ‘n mite dat Bavuma stadig kolf. Hy eindig gewoonlik met ‘n kolftempo van vinniger as ‘n lopie ‘n bal, kyk maar. Hy het byvoorbeeld in hierdie beurt presies teen ‘n lopie per bal gekolf wat vinniger as Markram en Hendricks was. Siende dat hy ‘n skitter ankerbeurt van 46 gespeel het en basies gesorg het dat die kolfbeurt nie soos gewoonlik in duie stort nie, verdien hy baie meer lof as die alewige, ongegronde kritiek. So lekker om die moaners verkeerd te bewys deur net die amptelike statistieke te noem. So terloops – Rabada het die vinnigste kolftempo gehad,… Lees meer »

piet

As dit nie vir Bavuma se 46 was nie, het ons definitief hierdie wedstryd verloor.