Indië is Dinsdag vir 327 uitgehaal op die derde dag van die eerste toets tussen Suid-Afrika en Indië op SuperSportpark in Centurion.
Indië het in minder as ʼn uur en ʼn half sewe paaltjies vir net 55 lopies verloor. Hulle het spel op 272/3 hervat nadat reën spel op die tweede dag onderbreek het.
Boulers Lungi Ngidi (3/26) en Kagiso Rabada (3/21) het drie paaltjies elk geneem terwyl Indië se kolfbeurt ineengestort het.