Proteas maak ondersteuners radeloos, moedeloos

Foto: (AP Photo/Matt Dunham)

As Faf du Plessis gedink het hy is gefrustreerd met sy span se boulwerk, veldwerk én veldplasings, het hy nog nie vandag die gemiddelde Protea-ondersteuner gesien nie.

Want nie net is Bangladesj die tweede span om meer as 300 lopies teen die Proteas in vanjaar se Wêreldbeker te slaan nie, dit is ook die Asiërs se hoogste telling in eendagwedstryde. Dít nadat Du Plessis die loot gewen en die Bangladesj-manne ingestuur het om te kolf.

Vyftig boulbeurte en 300+ lopies later het Du Plessis, én waarskynlik die res van Suid-Afrika, sy besluit ietwat bevraagteken.

Die Proteas het waarskynlik gedink dat hulle vroeg die oorhand sou kry as hulle hul teenstanders met vinnige opslagballe peper.

Tamin Iqbal en Soumy Saker het egter 60 lopies om die eerste paaltjie in slegs agt boulbeurte geslaan, vóór Andile Phehlukwayo uiteindelik van Iqbal ontslae geraak het.

Foto: (AP Photo/Matt Dunham)

Kagiso Rabada (0/57) en Lungi Ngidi (0/34) was duur aan die begin van die kolfbeurt en toe Ngidi vroeg die veld met ’n dyspierbesering verlaat het, was die skrif so te sê aan die muur vir SA in dié beurt.

Du Plessis het Ngidi se ses oorblywende boulbeurte aan Aiden Markram (0/38 in vyf boulbeurte) toevertrou, terwyl JP Duminiy tien lopies in sy enkele boulbeurt afgestaan het.

Chris Morris was darem bestendig in sy wisselvalligheid en het 73 lopies in sy tien boulbeurte afgestaan. Hy het darem vir Saker (42) en Mossadek Hossain (26) terug na die kleedkamer gestuur.

Foto: (AP Photo/Matt Dunham)

Was dit nie vir die 40-jarige Imran Tahir (2/57) wat twee belangrike paaltjies geneem het nie, sou dit regtig ’n blou Sondag vir SA gewees.

Die span het nou 50 boulbeurte om 331 aan te teken vir ’n oorwinning. Hulle kon Donderdag nie 312 teen Engeland slaan nie.

Gelukkig is daar in David Miller ’n ekstra kolwer wat hopelik vir ’n tikkie meer slaankrag kan sorg.

ʼn Mens kry egter die gevoel dat ’n tikkie nie genoeg sal wees nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

54 Kommentare

jongste oudste gewildste
kolla

Baie mense het voor die tyd gesê dis die swakste span wat ons nog wereldbeker toe gestuur het en dit wys.

koos

Ek mag ek aan die lojaliteit van die afrigter twyfel?

O aarde

Janee. Die kwotas werk

Joey

Ag nee wat, ons is nie teleurgesteld. Ons weet mos dit is nie ons beste span nie. Dit is ons kwota span.

Chokers