Foto: Jewel Samad/AFP.
Die Internasionale Krieketraad (IKR) het bevestig dat Suid-Afrika in 2027 saam met Zimbabwe en Namibië gasheer vir die Wêreldbeker-kriekettoernooi (50 boulbeurte) sal speel.
Dit sal die eerste keer in Namibiese krieketgeskiedenis wees dat dié land die toernooi aanbied, terwyl daar reeds in 2003 wedstryde in Suid-Afrika en Zimbabwe gespeel is.
Die Proteas kon destyds nie vir die uitspeelwedstryde van die toernooi kwalifiseer nie omdat die Suid-Afrikaners met die Duckworth/Lewis-berekeninge gesukkel het.
Daar sal ook vir die eerste keer ’n groot toernooi in die VSA gespeel word wanneer die Amerikaners in 2024 die T20-Wêreldbeker saam met die Wes-Indiese Eilande aanbied.
Bepalings:
Junie 2024: T20-Wêreldbeker in die VSA en die Wes-Indiese Eilande.
Februarie 2025: IKR-kampioenbeker in Pakistan
Februarie 2026: T20-Wêreldbeker in Indië en Sri Lanka
Oktober/November 2027: Wêreldbeker in Suid-Afrika, Namibië en Zimbabwe
Oktober 2028: T20-Wêreldbeker in Australië en Nieu-Seeland
Oktober 2029: IKR-kampioenbeker in Indië
Junie 2030: T20-Wêreldbeker in Engeland, Ierland en Skotland
Oktober/November 2031: Wêreldbeker in Indië en Bangladesj.
Are you ready for the best-ever decade of men’s white-ball cricket?
Eight new tournaments announced ????
14 different host nations confirmed ????
Champions Trophy officially returns ????https://t.co/OkZ2vOpvVQ pic.twitter.com/uwQHnna92F— ICC (@ICC) November 16, 2021
O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.
12 Kommentare
hoop regtig ons is teen daardie tyd al uit ons covid tronk bevry
Hopelik gaan ons teen dan nog ‘n krieketspan he wat kompenteer en nie ‘n Zim of Nam is nie.
Hopenlik word spelers dan op meriete gekies sonder om knie te buig voor ‘n wedstryd.
Lekker, ek is seker een van die min ouens wat hou van die 50-overs. Lekker heeldag krieket maar belangriker is dat kolwers behoorlike beurte kan speel en die boulers ‘n regverdige kans het om hulself te bewys (uit te blink of te faal).
Hopelik sal die krieketspelers teen daardie tyd afgesien het van hulle belaglike BLM knie buigery.