Sarel Erwee het die meeste lopies vir SA A in die afgelope reeks teen Indië A geslaan. Foto: Twitter.
Al drie van die nie-amptelike toetse tussen die Suid-Afrikaanse A-span en Indië A het onbeslis geëindig.
Die besoekers was egter goed op koers om die derde wedstryd in Bloemfontein te wen. Hulle moes 234 lopies vir ’n oorwinning aanteken en hulle het 155/3 op die telbord gehad toe die wedstryd gestaak is.
Tog het ’n paar Suid-Afrikaners hulself glad nie sleg van hul taak gekwyt nie.
Sarel Erwee, Glenton Stuurman en Marco Jansen het hul plek in die Protea-toetsgroep vir die komende reeks teen Indië regverdig, terwyl Lutho Sipamla ook uitgeblink het.
Die eerste toets tussen Suid-Afrika en Indië begin op 26 Desember op SuperSportpark in Centurion.
Voorste SA A-kolwers (meer as 100 lopies):
Sarel Erwee: 251 lopies teen ’n gemiddeld van 50,20 en ’n hoogste telling van 97.
Tony de Zorzi: 234 lopies teen ’n gemiddeld van 46,80 en ’n hoogste telling van 117.
Pieter Malan: 221 lopies teen ’n gemiddeld van 44,20 en ’n hoogste telling van 163.
Zubayr Hamza: 172 lopies teen ’n gemiddeld van 57,33 en ’n hoogste telling van 125*.
Marco Jansen: 127 lopies teen ’n gemiddeld van 63,50 en ’n hoogste telling van 70*.
Voorste SA A-boulers:
Lutho Sipamla: Nege paaltjies teen ’n gemiddeld van 33,11 en beste boulsyfers van 5/99.
Glenton Stuurman: Sewe paaltjies teen ’n gemiddeld van 27,14 en beste boulsyfers van 4/48.
Marco Jansen: Ses paaltjies teen ’n gemiddeld van 31,83 en beste boulsyfers van 3/44.
Proteasgroep vir toetsreeks teen Indië: Dean Elgar (kaptein), Temba Bavuma (onderkaptein), Quinton de Kock, Kagiso Rabada, Sarel Erwee, Beuran Hendricks, George Linde, Keshav Maharaj, Lungi Ngidi, Aiden Markram, Wiaan Mulder, Anrich Nortjé, Keegan Petersen, Rassie van der Dussen, Kyle Verreynne, Marco Jansen, Glenton Stuurman, Prenelan Subrayen, Sisanda Magala, Ruan Rickelton en Duanne Olivier.
Bepalings:
26 tot 30 Desember 2021: Eerste toets op SuperSportpark
3 tot 7 Januarie 2022: Tweede toets op die Wanderers
11 tot 15 Januarie 2022: Derde toets op Nuweland.
