Die SABC het vandag aangekondig dat hulle die Krieketwêreldbeker sal uitsaai.
Die aksie begin juis komende Donderdag om 11:30 wanneer die Proteas teen Engeland op die Oval speel.
Hoewel nie alle wedstryde regstreeks uitgesaai sal word nie, is dit ’n welkome aankondiging net voor die toernooi begin.
“Die SABC en SuperSport is trots om aan te kondig dat hulle ’n ooreenkoms bereik het dat die SABC die 2019 IKR Krieketwêreldbeker sal uitsaai,” het die openbare uitsaaier in ’n verklaring gesê.
Dit kom glo na kwaai onderhandelingsessies tussen die twee partye.
“Sommige van die wedstryde sal regstreeks uitgesaai word, terwyl ander deur middel van hoogtepuntprogramme gebeeldsend word. Die SABC sal binnekort hul uitsaaitye beskikbaar stel.”
Hoop dat SuperSport hul geld vooraf gaan kry anders …….
Ja ek sal twee keer dink voor ek enige transaksie met die SABC doen.Enige geld wat hulle jou skuld sal jy moet afskryf voor die ink droog is.