Agtiental, twee geles vir SA spelers in Europa

Willie du Plessis (Foto: Bayonne Rugby)

Willie du Plessis (Foto: Bayonne Rugby)

‘n Gewese losskakel van die Cheetahs het Sondag 18 punte in die Franse Top14-liga behaal, maar vir twee van sy landgenote het die Europese reekse geel kaarte opgelewer.

Willie du Plessis het al drie Bayonne se drieë teen Brive verdoel en vier strafdoele bygevoeg.

Sy span het 33-23 gewen.

Gerhard Human, die agsteman van Brive, wat Curriebekerrugby vir die Blou Bulle en die Griekwas gespeel het, het ‘n geel kaart gekry.

Anglo-Walliese Beker

Ligtoring Landman, ‘n slot van Newport Gwent Dragons, het ‘n geel kaart in sy span se wedstryd in die reeks om die Anglo-Walliese Beker teen Newcastle gekry.

Newcastle het die kragmeting in die uitklopreeks tussen die 12 top- Engelse klubs en die vier Walliese streekspanne 18-6 gewen.

Landman het Superrugby vir die Lions en die Cheetahs gespeel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae