Bid jou aan! Die Bokke speel in rooi!

Die Springboktruie vir 2017. (Foto: Saru)

Bid jou aan! Die Springbokke speel in rooi teen die Poemas… en ons bekommer ons oor die Curriebeker te gronde gaan.

Die SA Rugbyunie (Saru) het Dinsdag bekend gemaak dat “25 jaar van rugby-eenheid met ʼn trui in die rooi van die SA vlag gehuldig word” wanneer die Bokke op 26 Augustus in Salta teen Argentinië kragte meet.

Die rooi trui voltooi glo ʼn legkaart van speel- en oefenklere wat spesiaal vir 2017 ontwerp is, en al die kleure van die vlag insluit.

Jurie Roux, die hoof- uitvoerende beampte van Saru beskou die vlagkleure as ‘n samebindende faktor.

Of die lojale Bokondersteuners wat die trui betref met hom sal saamstem, is ʼn ander saak.

Of dit op hierdie wyse hoegenaamd eenheid kan “bevorder”, is ʼn kwessie op sy eie.

Feit is, dis nog ʼn trotse Suid-Afrikaanse tradisie, meer as ʼn honderd jaar oud, wat op die altaar gelê word deur rugbybase wat al hoe minder vir die land se rugby-erfdeel omgee.

Dink net aan die arme speler vir wie dit dalk sy enigste Boktrui kan wees.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
AHP

BELAGLIK!!

Thinus

Eenheid…??? Duidelik volg hulle nie die publiek se komentaar op sosiale media nie…

Eric

Geldmaak dus waarom maak rooi truie en almal koop dit

Nico

Ons rugby word ‘n alhoe groter sirkus soos ons regering. Rugby en verdienste en tradisie tel nie meer nie net alhoemeer onderdanigheid aan ‘n korrupte regering maar nog steeds is daar ‘n klomp fools wat dit teenstaan maar tog in hul duisende opruk stadions toe of dstv aandkaf net om na die sirkus te kyk.

Lol

Die enigste rede vir die rooi truie is sodat niemand kan sien hoe hul bloos waneer hulle sleg verloor.