Bokgroep: Rassie kies nege Lions saam met drie nuwelinge

Rassie Erasmus het drie spelers sonder toetservaring in sy Springbokgroep van 35 vir die Rugbykampioenskap ingesluit en ook drie van die uitblinker-Bokke van die afgelope jaar of so wat van hul beserings herstel het.

Die nuwelinge wat deur die Springbokafrigter gekies is, is die jong losskakel van die Stormers, Damian Willemse, en die twee flanke Cyle Brink (Lions) en Marco van Staden (Bulls).

Die manne wat weer by hul spanmaats is, is twee wat verlede jaar die Springbokke aangevoer het, Warren Whiteley en Eben Etzebeth en die Lions se haker Malcolm Marx wat ook verlede jaar laas toetsrugby gespeel het.

Erasmus het nog twee Lions wat weens beserings nie vir die Junietoetse oorweeg kon word nie, Lionel Mapoe en Ross Cronje, by die groep ingesluit. Cronje is een van vier skrumskakels in die groep. Die ander is Embrose Papier, Ivan van Zyl en Faf de Klerk.

Daar is nege Lions in die groep: die voorspelers Whiteley, Marx, Franco Mostert, Cyle Brink, Marvin Orie en die agterspelers Mapoe, Cronjé, Aphiwe Dyantyi en Elton Jantjies.

Die Lions-spelers kon nie verlede en voorverlede week aan die oefenkamp op Stellenbosch deelneem nie omdat hulle vir die Superrugby-eindstryd voorberei het.

Erasmus het ook vir Francois Louw van Bath in die groep ingesluit. Hy het voorverlede jaar in die Juniereeks teen Ierland en daarna ook in die Rugbykampioenskap vir die Springbokke gespeel.

Louw was een van die Bokke se uitblinkers in dié reeks en sal hopelik ewe invloedryk met sy ervaring op en van die veld wees as Duane Vermeulen, wat moontlik dié beste Springbok teen Engeland was.

Die ander oorsese spelers is Faf de Klerk en Willie le Roux. Vermeulen speel in Japan en is nie beskikbaar nie.

Nog ʼn amper vergete Springbok wat weer deel van die Bokgroep is, is die heelagter/vleuel Lwazi Mvovo, wat reeds meer as 130 Superwedstryde vir die Sharks en 27 toetse agter die rug het. Hy sal ideale dekking verskaf vir die beseerde vleuel S’Bu Nkosi en die heelagter (en ook vleuel) Warrick Gelant.

Spelers wat weens beserings nie oorweeg is nie, is Damian de Allende (Stormers), Lood de Jager, Trevor Nyakane (Bulls) en Coenie Oosthuizen en S’bu Nkosi (Sharks). Brink en Jean-Luc du Preez se insluiting is onderworpe aan mediese ondersoeke.

Die groep sal dié week in Kaapstad voorberei en dan na Durban vertrek waar die eerste toets in die Rugbykampioenskap aanstaande Saterdag (18 Augustus) teen die Poemas gespeel word. Die tweede toets is die week daarna, ook teen Argentinië, in Mendoza.

Springbokgroep ‒

Voorspelers (20)
Cyle Brink, Jean-Luc du Preez, Thomas du Toit, Pieter-Steph du Toit, Eben Etzebeth, Steven Kitshoff, Siya Kolisi (kaptein), Francois Louw, Wilco Louw, Frans Malherbe, Malcolm Marx, Bongi Mbonambi, Franco Mostert, Beast Mtawarira, Sikhumbuzo Notshe, Marvin Orie, RG Snyman, Akker van der Merwe, Marco van Staden, Warren Whiteley.

Agterspelers (15)
Lukhanyo Am, Ross Cronjé, Faf de Klerk, Aphiwe Dyantyi, André Esterhuizen, Elton Jantjies, Jesse Kriel, Willie le Roux, Makazole Mapimpi, Lionel Mapoe, Lwazi Mvovo, Embrose Papier, Handré Pollard, Ivan van Zyl, Damian Willemse.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Callie

Net soos met die Lions sal ek verskoning vra oor my siening van kwotas as die span tweede eindig in die reeks. Australie en veral NZ gaan die span maklik wen daar en hier. Sal darem seker Argentinie kan wen. Die klug raak al groter. Die maklikste om te bewys is wag tot sekere spelers seerkry. Hy sal nie vervang word met n ou in die groep nie, hy sal van buite vervang word. Glo my, selfs Rassie weet daar is ten minste 8 totale kwotas in daai groep

Wurmpie

Wat maak daai Lions LOS skakel daar. Hy kon nie eers Saterdag iets doen nie

Boerseun

grond word gevat en kwotas word toegepas. Kan die twee gesig new Zealanders reel vir n bietjie meel?

Henk

Wat moet jantjies en malherbe nog doen om te bewys hulle hoort nie in die bokspan nie?

LHS

WAAR IS RUAN COMBRINCK, WAAR IS DIE LEEUS SE STUTTE? NEE WAT ERASMUS, JULLE WIL VERLOOR.