Bokke verloor, maar wys wéér All Blacks hou nie van druk nie

Siya Kolisi het weer as baldraer uitgeblink en ondermeer ook Damian de Allende se drie aangevoer. Hier bars hy deur Ben Smith en Kieran Read se verdediging. (Foto GB Jordaan).

Ai, toetsrugby kan darem maar wreed wees!

Net soos die All Blacks drie weke gelede moontlik verdien het om te wen en teen die einde van oorwinning deur goeie verdediging weerhou is, só het die Springbokke Saterdag op Loftus in die laaste vyf minute 14 punte afgestaan en die wedstryd teen Nieu-Seeland met 30-32 verloor.

Wat die All Blacks en hul afrigtingspersoneel egter nou deeglik sal besef, is dat hulle geglo het hulle is onoorwinlik, dat hul patroon werk, maar dat dit nie vanselfsprekend op wen sal uitloop nie. Hulle het, weer, onder druk swaar getrek.

Wat die Bokke sal glo, is dat hulle  besig is om nog te ontwikkel. Die All Blacks sal wonder hoe ver dít kan vorder.

Dit was toetsrugby op sy beste. Dit was kliphard voor, daar was ʼn paar opflikkeringe waar die twee spanne probeer hardloop het, en daar is goeie drieë ná fasespel en deur die agterspelers gedruk.

Maar eintlik het hierdie toets oor heerskappy voorlangs en veldposisie gegaan, en dáár was die Bokke bobaas.

Malcom Marx, die speler van die wedstryd, was onverbeterlik goed in die algemene spel en met die verkryging van omkeerbesit; Willie le Roux het in die lug sekerlik sy beste wedstryd nóg vir die Bokke in sy 50ste toets gespeel; Faf de Klerk se lugskoppe was in die kol en sy algemene spel goed, was dit nie vir die weggooi van ʼn man-oor drie kort voor die einde met ʼn wilde aangee oor die kantlyn wat die uitslag sou verseël het nie.

Só kan ʼn mens aangaan. Almal het gedoen wat hulle moes.

En wen of te nie, die All Blacks se voorgenome “wraakstryd” ná hul neerlaag drie weke gelede het eintlik geboemerang. Hulle het wel gewen, maar besef nou waarskynlik hulle kan, ondanks die naelskraapse oorwinning, wél geklop word.

Hulle is om besit ore aangesit, is in foute ingedwing en hul  ritme is versteur. Die selfvertroue van die wêreld se rugby-oorheersers is verbreek, en dit was eers hier teen die einde dat hulle die agterstand op die telbord, en ook met die hoeveelheid besit- en gebiedsoorheersing, verbreek het om deur te skuur.

Bostaande is seker geen troos vir Suid-Afrikaanse ondersteuners nie, maar Steve Hansen-hulle sal na die amperse tweede skok ongetwyfeld noukeurig kyk na die tekenbord wanneer hulle weer saamtrek.

Rustyd was die All Blacks, teen die verloop, met 6-elk gelykop met die Bokke, en vyf minute voor die einde was hulle nog met 18-30 agter.

Dit is egter daardie vermoë van die Nieu-Seelanders om iets uit niks te maak nie waarvoor die All Blacks se teenstanders steeds lugtig moet bly.

Puntemakers ‒

Suid-Afrika (6) 30: Drieë: Jesse Kriel, Damien de Allende, Cheslin Kolbe. Doelskoppe: Handré Pollard (3). Strafdoele: Pollard (3).
Nieu-Seeland (6) 32: Drieë: Aaron Smith, Rieko Ioane, Scott Barrett, Ardie Savea. Doelskoppe: Richie Mo’unga (3). Strafdoele: Beauden Barrett (2).

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

57 Kommentare

jongste oudste gewildste
Swartwolf

Dis nie toetsrugby wat so wreed is nie dis hoe kwotas ‘n wedstryd weggooi. Kholisi swak leier onder druk. Gee 2 strafskoppe weg. Laaste 10 min Kolbe 2 keer uit posisie twee AB driee. Op 65 min toe kwota subs opkom is dit cheers met die game. Sien dit tog net vir wat dit is.

Wesley

Dit was sover ons beste vertoning in jare. Alhoewel die telbord anders vertel. Eks nie eers kwaad nie. Ons is versekerlik na twee sulke vertonings eintlik tweede die wereld. In 6 jaar was die ABs nie so hard gedruk 2 wedstryde in n ry nie. As ons so speel kan ons versekerlik ons koppe omhoog hou. Toets rugby is maar wreed

Veritas

Waarvoor al die plaasvervangers Rassie? Al wat jy daarmee reggekry het, was om die Bokke se ritme te versteur. Ek hoop jy is mans genoeg om te erken dat jy die oorsaak was van hierdie gemors. Die Bokke was in beheer totdat jy met die sinnelose vervangings, alles ongedaan gemaak het.

SjN

En die speler van die wetstryd word vervang om aan beeee te voldoen, kry vir julle

Johann

Wat n KLUG! Wie se vir Rassie voor in sy gehoor stuk oor wie op die veld MOET? SHAME ON YOU RASSIE!!!!!!!! Patetiese besluite!!!!!!!