Die Bulls se flank Renaldo Bothma is uit die Bulls se toergroep na Nieu-Seeland en Japan gelaat nadat hy Vrydagaand op Loftus teen die Sunwolves met ʼn rooikaart van die veld gestuur is.
Bothma verskyn Sondagoggend per video-konferensie voor Sanzaar se vuilspel-uitwysingskomitee weens ʼn hoogvat met ʼn swaaiende arm.
Dit is feitlik seker dat hy ʼn skorsing opgelê sal word, maar dit is onseker hoe lank dit gaan duur en Arno Botha is daarom op die nippertjie in die toergroep ingesluit.
♦ Die Bulls sal nou weer deur Adriaan Strauss aangevoer word. Handré Pollard het as kaptein waargeneem terwyl Strauss van ʼn rugoperasie herstel het. Strauss het Vrydagaand in die wedstryd teen die Sunwolves in die tweede helfte van die bank gekom.
Die Bulls speel die volgende drie naweke teen die Blues en die Chiefs in Nieu-Seeland en die Sunwolves in Tokio.
Die toergroep van 27 (11 agterspelers en 16 voorspelers) sluit tien Springbokke in.
Toergroep –
Agterspelers
Heelagters: Jesse Kriel (ook senter), Warrick Gelant. Vleuels: Jamba Ulengo, Travis Ismaiel. Senters: Dries Swanepoel, Burger Odendaal, Jan Serfontein. Losskakels: Handré Pollard, Tian Schoeman. Skrumskakels: Rudy Paige, Piet van Zyl.
Voorspelers
Losvoorspelers: Ruan Steenkamp, Arno Botha, Hanro Liebenberg, Jannes Kirsten, Nic de Jager. Slotte: RG Snyman, Jason Jenkins, Lood de Jager. Stutte: Pierre Schoeman, Trevor Nyakane, Lizo Gqoboka, Jacobie Adriaanse, John-Roy Jenkinson. Hakers: Adriaan Strauss (kapt.), Jaco Visagie, Edgar Marutlulle.
Hopenlik sal dit die bull’s nou laat wen
En daar gaan ons alweer met Page. Kan die mense nie leer nie. Ag nee wat. Hul moet maar verloor
Wanneer kry Page dat nou finaal die trekpas, asseblief?
kan net kwotastelsel wees dat hy nog gekies word! dit maak SA rugby dood en verkleineer die swartes wat op meriete gekies word!
Is daar regtig niemand beter as Rudi Paige nie of is dit weer van daai gevalle. Hy word betaal, hy sal speel al speel hy sleg.
Dis mos maar hoe die anc sy stempel afdruk! Solank hul in beheer is met kwotas ens of hul nou die werk kan doen of nie! Suis Afrika is sy kanon!
Ek stem saam dat Page hopeloos is,het Piet v Zyl gister dopgehou,sy verdediging is hopeloos,hulle sal moet kyk na die jong skrimskakel wat vrydag opgekom het.