Bulle is o.21-kampioene ná terugvegpoging

Foto: Blue Bulls/Facebook

Die Blou Bulle is Saterdag as die kampioen van die Suid-Afrikaanse o.21-Rugbykampioenskap aangewys nadat hulle die Westelike Provinsie geklop het.

WP het met rustyd met 20-3 voorgeloop in die Toyota-stadion in Bloemfontein. ʼn Skitterende terugvegpoging in die tweede helfte het gesorg dat die Bulle die wedstryd met 33-27 wen.

Theo Boshoff het die Bulle vroeg in die wedstryd laat voorloop toe hy die bal deur die pale gestuur het. WP het kort hierna opgevolg met David Coetzer wat twee strafskoppe oorgesit het.

Die WP se Shaine Orderson en Vusile Dlepu was egter die enigste spelers wat voor halftyd daarin kon slaag om oor die doellyn te duik.

Dlepu het punte vir sy span aangeteken nadat hy aanvanklik die 15de minuut ʼn geel kaart gekry het vir ʼn hoogvat.

Die Bulle het egter in die tweede helfte teruggeveg en Stephan Smit het hul eerste drie aangeteken.

Die WP het kort hierna hulle tweede geel kaart gekry en Sazi Sandi is van die veld af gestuur. Drie strafdoele teen die WP het die Bulle gehelp om die puntverskil vinnig te verklein.

Gershwin Mouton en Carl Els het ook vir die Bulle oor die doellyn geduik en die Bulle het teen die einde van die wedstryd met 33-20 voorgeloop – ook danksy Boshoff se akkurate skopvoet.

WP se Gift Dlamini het in die 81ste minuut van die wedstryd oor die doellyn gebars, maar dit was egter reeds te laat.

Puntemakers:

Bou Bulle 0.21: Drieë: Stephan Smit, Gershwin Mouton, Carl Els. Doelskoppe: Theo Boshoff (3). Strafdoele: Boshoff (3). Skepskop: Boshoff.

Westelike Provinsie 0.21: Drieë: Shane Orderson, Vusi Dlepu, Gift Dlamini. Doelskoppe: David Coetzer (3). Strafdoele: Coetzer (2).

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Swartwolf

Bulletjies. Uitstekende comeback. WP narre verbaas met julle guts. So o/21 beker in die noord, so ook die curriebeker. Geen beker, Currie of super rugby, in die WP nie. Dankie tog.

kolla

Lugdruk, hulle sou nooit die WP-span aan die kus klop nie.

kolla

Vrystaat is nie in die noorde nie dis sentraal. Lyk my nie daar was aardrykskunde waar jy skool gegaan het nie.

Cuda

Ons Bulle het goeie nuus nodig gehad. Well done manne. Ons is trots op julle. Net ‘n boodskap an kolla – Sien wat gebeur as jy net kritiseer en geen sportmans gees toon nie. Well done aan die Cheethas ook.

kolla

Nulle kon die hele dekade nie die Currie Beker wen nie, pateties.