Bulle tem die Leeus, WP wen oortuigend en Cheetahs verloor weer

Manie Libbok ontduik vir Ross Cronje. Foto: GB Jordaan

In Johannesburg het die Blou Bulle die Goue Leeus se nou amper tradisionele doodsnik-heldedade van die afgelope Curriebeker-seisoen beëindig, toe hulle die tuisspan 31 – 26 getroef het.

Die Leeus wen deesdae hul wedstryde in die laaste paar minute van hul kragmetings – vra maar vir die Pumas, WP en Cheetahs – maar die Bulle het, en dít ten spyte van ’n rits kaarte, diep gedelf om die wedstryd met vyf punte te wen.

Waar hulle verlede week met ’n volledige span teen die Griekwas gesukkel het, het hulle dié keer op Loftus met net 13 spelers gesorg dat die uurglas vir die Leeus se Houdini-ontsnapvermoëns uitgeloop het.

Puntemakers: Blou Bulle: Drieë: Cornal Hendricks, Dayan van der Westhuizen, Manie Libbok. Doelskoppe: Libbok (2). Strafskoppe: Libbok (4). Goue Leeus: Drieë: Strafdrie, Shaun Reynolds, Pieter Jansen, Stean Pienaar. Doelskoppe: Reynolds (3).

Foto: WP Rugby

Siya Kolisi het intussen sy terugkeer in die streeptrui met ’n oortuigende oorwinning van 45 – 14 teen die Pumas op Nuweland gevier. Die Bokkaptein het vir meer as 40 minute gespeel en het heel op sy gemak gelyk.

Hoewel die Pumas aanvanklik die beter span op die veld was, het die WP uiteindelik sewe drieë – waarvan drie binne slegs nege minute – gedruk om die wedstryd op ’n drafstap te wen.

Puntemakers: WP: Drieë: Sergeal Petersen, Sikhumbuzo Notshe, Seabelo Senatla (2), Justin Phillips, Ernst van Rhyn, Ruhan Nel. Doelskoppe: Josh Stander (3) en Jean-Luc du Plessis (2). Pumas: Drieë: Alwayno Visagie en Chris Smith. Doelskoppe: Smith (2).

Foto: Sharks

Die Cheetahs het hul tweede agtereenvolgende nederlaag gely, toe die Haaie hulle 27 – 20 geklop het.

Met die telling 20 elk en slegs ’n rukkie se speeltyd oor, het Kobus van Wyk Cheetah-harte gebreek toe hy ná volgehoue druk die wendrie vir sy span gaan druk het.

Puntemakers: Haaie: Drieë: Lwazi Mvovo, Aphelele Fassi en Kobus van Wyk. Doelskoppe: Curwin Bosch (2) en Rhyno Smith. Strafskop: Bosch. Skepskop: Bosch. Cheetahs: Drieë: Joseph Dweba, Bernhard Janse van Rensburg en Carel-Jan Coetzee. Doelskop: Louis Fouche. Strafskop: Fouche.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Swartwolf

En daar stamp die afgeskryfde bulle die leeus met 14/13 spelers. En die pap stompies met 15 ouens kon nie. Well done bulle.

Sparks

Ek het jul gesè laat Ross Cronje gaan. Hy speel swak en verdedig swak. Los trio ook swak.

Pieta

Swak leeus.julle te arrogant

Albert

Ja die Bulle het karakter gewys met die dat hul so lank met 14 en 13 manne moes speel. n Rooi kaart wat te betwyfel was maar wst sal ons se die ref is in beheer. Ek wonder nou net waar is al die manne wat die Bulle die nulle noem nou na gister se petalje.

Cuda

Well done Bulle. Daai rooi kant het ons verdien. Ek ondersteun nie sulke spel nie. NZ s’n was net so bad. Bulle het baie karakter gewys. Ek sal net graag wil sien hulle doen dit meer konstant.