Bulls oordonder Stormers op Loftus

Rosko Specman. Foto: GB Jordaan

“Specmagic” is ’n term wat lekker in die Laeveld en op die internasionale sewesverhoog rondgegooi is.

Rosko Specman het gereeld met sy blitsige toorkunsies vir die Pumas en vir die Blitsbokke beïndruk.

Maar die Bulls-ondersteuners het Saterdag hul nuwe liefling in aksie gesien, toe hy met sy praglopies die Stormers vroeg op die agtervoet geplaas het in hul Superrugby-wedstryd op Loftus Versfeld.

Die tuisspan het uiteindelik 40–3 gewen en in die proses vier drieë gedruk.

Specman was ’n doring op die aanval en het saam met ’n dodelik akkurate Handré Pollard die wind uit die Stormers se seile gehaal.

Waar Specman met sy spoed en vaart vanaf die merkie beïndruk het, was Pollard die bestendigheid vanself. Hy was in die kol met vier doelskoppe en vier strafskoppe.

Vir die Stormers het SP Marais met ’n strafskop geslaag.

Die Springbokkaptein, Siya Kolisi, het die veld weens ’n harde stamp teen die kop verlaat.

Puntemakers:

Bulls 40 (21)

Drieë: Rosko Specman (2), Johnny Kotze, Jesse Kriel. Doelskoppe: Handré Pollard (4). Strafskoppe: Handré Pollard (4)

Stormers 3 (3)

Strafskop: SP Marais

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

45 Kommentare

jongste oudste gewildste
Alwyna

SPECtacular!

Bul

What a game! Bulls se voorspelers was fantasies. Brits het vir Mbonanbi sy meisie gemaak, so ook Dwayne vir Kolisi wat net sowel nie kon gespeel het nie dit was te hard daar voor vir hom. Jessie het die Ellende nog ellendiger laat lyk en om nie te praat van Specman nie – die springbok in waiting – Leyds – soek nou nog parking. Bulle van ouds – voorste agt domineer losskakel beheer die wedstryd. Fantasties om te aanskou.

Swartwolf

40-3 krieket telling ! Maar gekneusde ego’s in die Stormertjies…..Mbonambi, De Allende, Willemse, Lleyds om nie te praat van Kolisi – het hy nou properly gebuckle under Dwayne en Jason. Naderhand jammer gevoel dat ‘n bok kaptein so klein en swak vertoon het gelukkig het die besering sy lyding op die veld kortgeknip. Uitstej3nd

Swartwolf

40-3 krieket telling ! Maar gekneusde ego’s in die Stormertjies…..Mbonambi, De Allende, Willemse, Lleyds om nie te praat van Kolisi – het hy nou properly gebuckle under Dwayne en Jason. Naderhand jammer gevoel dat ‘n bok kaptein so klein en swak vertoon het gelukkig het die besering sy lyding op die veld kortgeknip. Bulls ontembaar voor. Stormers betaal prys betaal vir kwotas. Specman te veel wield vir hele Prooovvinnnccceeeeee.

Lekker lag

Dis Kolisi kwota style. Selfde teen die All Blacks gedoen verlede jaar. “Kaptein span die seile” toe haal Duane en Lood die wind uit sy seiltjie…….