Bulls skakel Lions uit na goeie wen

Die Bulls se RG Snyman in aksie. (Foto: GB Jordaan)

Die Bulls het Saterdag met ʼn oortuigende wen oor die Lions op Loftus Versfeld die Johannesburgers se Superrugby-droom beëindig.

Die Bulls het met sewe drieë teenoor die Lions se twee die wedstryd met 48 – 27 gewen om na die uitspeelwedstryde deur te dring.

Die Lions het binne die eerste twee minute van die wedstryd met 7 – 0 voorgeloop nadat Hacjivah Dayimani binne 15 sekondes nadat die fluitjie geblaas het oor die doellyn geduik het.

Die Bulls het egter nie op hulle laat wag nie en na Hanro Liebenberg oor die doellyn geduik het, was die telling binne die eerste vyf minute gelykop.

Elton Jantjies het ʼn strafskop deur die pale gejaag gevolg deur ʼn skepskop deur Andries Coetzee. Marco van Staden, Lizo Gqobokoa en Burger Odendaal het binne minute uitmekaar oor die doellyn geduik om die Bulls in die 20ste minuut met 26 – 13 te laat voorloop.

Die Bulls se Burger Odendaal met die bal. (Foto: GB Jordaan)

Die Bulls het halftyd met 31 – 19 voorgeloop. RG Snyman is kort na die aanvang van die tweede helfte met ʼn geelkaart van die veld gestuur. Die Lions het van hul geleenthede gebruik gemaak en Cyle Brink het die Bulls se voorsprong heelwat kleiner gemaak en in die 55ste minuut was die telling 31 – 27.

Twee drieë minute uitmekaar vir Cornal Hendricks en Handré Pollard het die telling egter weer na 43 – 27 opgestoot.

Manie Libbok se drie in die 70ste minuut was die spyker in die doodskis.

Puntemakers:

Bulls 48: Drieë: Hanro Liebenberg, Marco van Staden, Lizo Gqoboka, Burger Odendaal, Cornal Hendricks, Handré Pollard, Manie Libbok. Doelskoppe: Handré Pollard (5). Strafskop: Pollard.

Lions 27: Drieë: Hacjivah Dayimani, Cyle Brink. Doelskop: Elton Jantjies. Strafskoppe: Jantjies (4). Skepskop: Andries Coetzee.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

38 Kommentare

jongste oudste gewildste
Babertondaisy

Netjies Bulle. So word dit gedoen. Great game.

CallieL

Ek is n oud bul en rughy ondersteuner. Die punt is, wat maak dit saak wie het gewen. Volgende naweek verloor die wenner van vandag en is al die SA spanne uit. Enige iemand wat dalk wil stry? Voel welkom maar wag liewer tot volgende naweek

Wurmpie

CallieL ek stry

Swartwolf

Bulle het gewen. Wag tot volgende week tot hul of wen of verloor. Goed gedoen bulle nr 1 SA span stukke beter as daai sirkus op Nuweland. Stompies heel laaste in SA konferensie. Met soveel bokke….wat ‘n gesukkel.

Chrisjan

Hopelik is hierdie die einde van onse overrated Jantjies. As hulle hom darem wragtag saamneem WB toe…