WJ Strydom – 25 punte. (Foto: Johanna de Vos)
Centurion is ná `n afwesigheid van 17 jaar weer in die eindstryd van die Blou Bulle-rugbyunie (BBRU) se Carltonliga A.
Hy het in 1999 vir Pretoria, wat intussen tot niet is, 16-15 in `n spannende eindstryd geklop, nadat hy die Tukkies 35-26 in die halfeindstryd uitgeskakel het.
Dié keer pak hy die studente in die eindstryd.
Johanna de Vos laat weet Centurion het Polisie Saterdag in die halfeindstryd 30-20 geklop (rustyd 12-3); en die Tukkies het die Naka Bulle 60-14 verslaan (rustyd 25-0).
WJ Strydom (heelagter) het 25 van die studente se punte met `n driekuns drieë en vyf doelskoppe behaal.
Die puntemakers –
Centurion 30 (12) – Drieë: Curtley Brinkhuis, Callie Barnard, Juan Pike, Gaybrin Smith. Doelskoppe: Smith (2). Strafdoele: Smith, Stanley Twiname.
Polisie 20 (3) – Drieë: Pieter Matthews, Michael Nienaber, Jerry Sefoko. Doelskop: Morné Hugo. Strafdoel: Dillon Laubscher.
Tukkies 60 (25) – Drieë: WJ Strydom (3), Riaan “Ghost” Britz (2), Willie Engelbrecht, Marius Oosthuizen, Jaco Snyman. Doelskoppe: Strydom (5), Jacques Rossouw (2). Strafdoele: Rossouw (2).
Naka Bulle 14 (0) – Drieë: Alec Mhlanga, Lawrence Cleminson. Doelskoppe: Anton Beswick (2).
Ander uitslae –
Tweede spanne
Fezelas (UP) 16, Polisie 15; Dragons 41, Naka Bulle 27.
Derde spanne
Dragons 27, Pumas (UP) 21; Polisie 20, Harlequins 17.
O.21-spanne
Dragons 25, Naka Bulle 19; Tuks-Jongspan 43, Polisie 22.
O.20-spanne
Naka Bulle 22, Dragons 10; Tukkies 20, Quins 19.
