Die gety draai steeds teen die Bokke

Dis beslis nie die regte leesstof op ʼn nugter maag op ʼn Sondagoggend nie: Ses toetswedstryde tot dusver in 2018 gespeel, drie gewen en drie verloor. Sewende op Wêreldrugby se ranglys wat Maandag vrygestel word en die twee sterkste spanne in die Rugbykampioenskap, die All Blacks en Wallabies, lê voor.

Dit is die somtotaal nadat die Argentynse Poemas Saterdagaand in Mendoza die Springbokke met 32-19 geklop en die All Blacks die Wallabies vroeër in Auckland met 40-12 afgeransel het.

Nóg ʼn droom wat reeds vroeg gesneuwel het. Altesame 53 punte in twee toetse teen die Poemas aangeteken, maar ook 53 afgestaan. Nege drieë gedruk, maar sewe afgestaan.

Almal weet dat die probleem veel wyer strek en nie oornag opgelos sal word nie.

Die Springbokafrigter, Rassie Erasmus, het die gate probeer toestop deur van die ervare spelers wat oorsee speel, soos Willie le Roux, Faf de Klerk en Francois Louw tydelik terug te lok. Wanneer hulle egter die dag nie aangeskakel is nie, word die gebrek aan ervaring en die leemtes van die jonger spelers oopgevlek aan wie hulle moet rigting gee.

Saam het Makazole Mapimpi, Lukhanyo Am, André Esterhuizen en Aphiwe Dyantyi nog net in 13 toetse voor Saterdag se toets gespeel.

Jinne mense, hoe speel jy toetsrugby met VIER jongelinge langs mekaar veral as jou losskakel, Handré Pollard, se peil ook nie na wense is nie?

Gaan kyk maar weer na die hoogtepunte (in ons geval die laagtepunte) van die toets. Verkeerde besluitneming, foute onder druk, swak aangeë en hanteerwerk, swak verdediging. Alles dinge wat eers met jare lange afrigting en ervaring reggestel kan word.

Met hoeveel selfvertroue is toetsrugby ook aangepak nadat drie van die vier Suid-Afrikaanse spanne nie die mas (die soveelste keer) in die Superrugbyreeks kon opkom nie?

ʼn Afgewaterde Curriebekerreeks, spanne wat nie hul verpligtinge in die Eerste Liga kan nakom nie, die SA Skolespan wat teen Frankryk verloor het en Wallis naelskraap geklop het nadat hy verlede jaar drie uit drie verloor het.

Erg gesnyde begrotings en toeskouers wat wegbly.

Het ons werklik verwag dat die Springbokke onder sulke omstandighede sou wen?

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

42 Kommentare

jongste oudste gewildste
Callie

Alles wat hiebo genoem word is waar. Wat nie genoem word nie is die rede vir dit. AC het saam met hoeveel n beraad gehou waar hulle bespreek het wat gedoen moet word. Stop net al die nonsens. Top spelers gaan nie net vir geld oorsee nie. Hulle gaan meestal oor hulle nie n toekoms hier het nie. Haal kwotas uit dan sal spanne na n jaar of twee weer begin wen. Begin wen met verdienstelike spanne en die toeskouers keer terug. Dis n siek spul. Niemand wil die feit dat kwotas SA rugby oor die jare totaal gesink het… Lees meer »

Jannie

NOG BAIE PAKKE SLAE LÊ VIR HULLE EN WAG!!! DIE ERGSTE KOM NOG!!!

Hendrik UAE

Toeskouers wat wegbly?EISH!! Laat CR se ons mense gaan ondersteun!

Frans C

Onder die huidige sportbeleid en swak ekonomie,moet die klem begin val op kwaliteit en nie kwantiteit nie.Watter genot is nou daarin om ‘n erg veswakte Cheetahspan te sien verloor teen die WP.Het ons Administrateurs heeltemal dof geraak.Hoe kan enigiemand met verstand verwag dat ‘n span wat twaalf spelers verloor mededingend die volgende seisoen moet wees en dan teen Pro 14 spanne wat wemel van oorseese spelers mededingend te wees. Die Bokke kan nooit ‘n faktor op internasionale vlak wees nie,want ons superrugbyspanne is te swak.Onthou hierdie Argentynse span het bykans netso in die superrugbyreeks meegeding.Dit is te verwagte dat hul… Lees meer »

Buffel

Waarom ‘n substandaard kwota span ondersteun? Geen meriete maar kwotas. Agterlyn afrigter het as speler nerens gekom nie en hy vat die agterlyn van wen gesukkel na die volgende. Ek gaan kyk rugby oorsee…..waar toetslande kompeteer met spanne wat op meriete gekies is. Dit doen die sport rugby goed.