Fidji beklink sy plek vir 2019 se Wêreldbeker

Fidji het Saterdag die tweede land ná Amerika geword om sy plek vir 2019 se Wêreldbekertoernooi in Japan te bespreek.

Hy het Tonga in Nuku’alofa met 14-10 geklop, en seker gemaak hy kan nie in die reeks om die Stille Oseaan-nasiesbeker ingehaal word nie.

Die Fidjiane sal saam met onder meer Australië, Wallis en Georgië in Groep D speel.

Oseanië se tweede deelnemer sal ná aanstaande Saterdag se laaste wedstryd in die reeks tussen Fidji en Samoa in Apia bepaal word.

Uitslae tot dusver –

Tonga 30, Samoa 26; Samoa 30, Tonga 10; Fidji 26, Samoa 16; Fidji 23, Tonga 18.

Opgesomde punteleer –

Fidji 12, Tonga 6, Samoa 5.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae