Folau in die pad gesteek ná uitlatings

Israel Folau se kontrak is deur Rugby Australië beëindig. Foto: Facebook.

Israel Folau se rugbyloopbaan in Australië is iets van die verlede. Dít nadat ’n tugtribunaal bestaande uit John West, Kate Eastman en John Boultbee hom daaraan skuldig bevind het dat hy die Australiese spelers se gedragskode oortree het.

Die ster-agterspeler van die Wallabies en die Waratahs het in April die volgende op sy Instagram-rekening geplaas: “Dronkaards, homoseksuele persone, egbrekers, leuenaars, hoereerders, diewe, ateïste en afgodedienaars – Hel wag vir julle.”

Hy het bygevoeg dat hulle hulself moet bekeer en dat net “Jesus kan red”.

Folau se kommentaar is deur Rugby Australië (RA) veroordeel en in ’n verklaring het hulle gesê hulle is van plan om sy kontrak te beëindig.

Die rugbybeheerliggaam het voet by stuk gehou en die 30-jarige Folua se kontrak van vier jaar (en sowat $4 miljoen) is summier beëindig.

RA se hoof‑ uitvoerende beampte, Raelene Castle, het gesê dat die paneel se bevinding ’n beduidende invloed nie net op sport in Australië sal hê nie, maar ook in die internasionale arena.

“Rugby Australië het nie gekies om hulself in dié situasie te bevind nie, maar ons bly by ons besluit dat Israel, deur sy optrede, ons met geen ander keuse gelaat het as om stappe te doen wat in gister se beslissing gekulmineer het nie.

Die 30-jarige Folau is een van Australië se mees opwindende spelers. Foto: Facebook.

“Spelers moet veilig en welkom voel wanneer hulle rugby speel, maak nie saak wat hul ras, agtergrond of seksuele voorkeur is nie,” het Castle gesê.

Sy het bygevoeg dat Folau 72 uur het om teen die beslissing te appelleer. Sy wou egter nie uitbrei oor die gerug dat die speler die saak na die Hooggeregshof  wil neem nie.

Die tribunaal het onder andere na voorleggings deur Folau, Michael Cheika en Castle self geluister. Hul beslissing het in werklikheid die Waratahs-spelskepper se loopbaan in Australië beëindig, nadat die land se League-spanne ook aangedui het dat hulle nie vir Folau sal verwelkom nie.

Hy kan egter se rugbyheil oorsee gaan soek.

Ander Polinesiese spelers soos Taniela Topou (Wallaby-stut) het hul steun in die openbaar aan Folau gegee en gesê dat RA dan net sowel “hulle almal kan skors” omdat hulle ook oor sterk Christelike waardes beskik.

Castle het bygevoeg dat daar talle spelers is wat die Bybel in sosiale media aanhaal en dat RA dit heeltemal ondersteun.

“Solank as wat spelers hul geloofsoortuigings op ’n respekvolle wyse oordra, sal ons hulle ondersteun.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

31 Kommentare

Hendrik van George ·

RA het reg opgetree. Israel kan sy eie opinie hê, maar hy moet dit vir homself hou. Wat hy sê mag waar wees, maar dis nie nodig om dit aan die groot klok te hang nie.

Salome ·

Ek stem saam met hom. Het baie respek vir hom. Dis snaaks dat almal kan rondspring en pro gay pro alles mag wees net nie Pro Christen nie. Alle opinies is welkom net nie n Christen sin nie. Ek oordeel niemand nie ek glo net as mens nie mag se wat teen jou waardes indruis nie dan is daai persoon verkeerd wat my waardes oordeel.

Se net ·

Hendrik, jy se hy moet sy opinie vir homself hou. Wat het geword van vryheid van spraak en hy het nie in ‘n onderhoud na n wedstryd gese nie, maar op sy instagram gedeel

Sum ·

Hendrik, jy kan jou opinie he’, MAAR JY MOET DIT VIR JOUSELF HOU!!! jou opinie is nie waar nie en dis nie nodig om dit op openbare sosiale media te deel nie. Hoop jy verstaan…..

Scully ·

Maar Jesus moes aan die kruis vir jou hang!!
Welldone Israel! God sal jou eer!

Genieve ·

God het iets beter vir jou instoor Folau dis maar tydelike dinge wat moet gebeur jy het klaar die saatjie geplant omtrent jou uitspraak wees jy net sterk ja en hulle wat nou teen jou is sal jou in die toekoms glo as hulle die werklikheid gaan aanskou..WANT AS GOD DAN VIR MY IS, WIE KAN DAN TEEN MY WEES!!!!..Jy het die ewige lewe gekies. In hierdie wereld sal julle verdrukking he, maar hou goeie moed ek sal weer kom.

Viv ·

Sum en Hendrik, maar hier deel julle dan nou julle opinies op sosiale media. En dis nie die waarheid nie, nie n feit nie, net julle opinies. So hoe dan nou?

Torrie ·

Eintlik behoort alle Christine so uitgesproke oor hulle geloof te wees.

Trevor ·

Dis juis hoekom die wêreld lyk soos hy lyk WANT die liggaam van Christus stil bly…ons is hoeka geroep om uitgesproke te wees vir die WAARHEID…en dit NIE vir onsself te hou…die WAARHEID IS DIE WAARHEID…geen ‘adjustment to suit myself’ nie!!

Welldone Israel Folau!!

Gerda ·

Baie dankie dat jy opstaan vir jou Geloof.. en Jesus sal jou verhoog.. die Bybel sê as jy jouself verneder .. sal God jou verhoog.. jy gaan ‘n groot sukses van jou lewe maak.. Mag God jou seen in als wat jy doen.. eendag kom Jesus op die wolke om ons te kom haal.. ek kan nie wag nie.. kom ons is ‘n reine maagd wat wag vir Jesus om te kom.. bly staande.. moenie soos die wêreld wees nie..

Carel ·

Toemaar RA sal eendag oor hierdie besluit moet rekenskap gee
Folau is ongelukkig 100% reg
Hy sal ook.weer elders rugby speel
Trots op hom

Judge Dredd ·

Kom ons wees nou eerlik, hy moes net “homoseksuele persone” uit sy stelling gelos het, dan sou niks gebeur het nie.
Twyfel of Rugby Australie belang stel om die “ander” te beskerm.

Johan Grobler ·

En so woed die diskriminasie teen Christene voort. Daar is vryheid van alles BEHALWE vir Christene! Boonop het Folua self NIKS gesê nie, maar bloot gekwoteer wat God self gesê het in Sy Woord. Tyd geword dat die christen rugby ondersteuners opstaan in protes teen die blatante diskriminasie teen ons geloof se spelers.

Liamari ·

Christene mag nooit vir Christelike waardes opstaan nie. Maar ons kan dit verwag want die eindtyd word mooi in die Bybel verduidelik. Christene sal al hoe minder welkom wees en al hoe meer onderdruk word. Dit maak my geloof net sterker want onderdrukking bevestig net wat in die Woord staan. Christene het veel meer om na uit te sien as die tydelike en vergangklike.

Sarel ·

Die vraag was al gevra hoekom dit slegs Christene is wat se monde gesnoer word. Maar weet dat elke een van julle wel eendag sal rekenskap gee.

Sofie ·

Dis tyd dat mense opstaan en standpunt inneem. Ek is VREK trots op Folau!

Helene ·

Ek ondersteun Folau 100%. So moeg vir al hierdie liberale ………. !!!!!

Helene ·

Ek ondersteun Folau 100% . Dit is al wat ek bereid is om te sê!!

CallieL ·

Gaan voort en verkondig die Woord van God. Die mense wat daarteen is, is die wat teen die Bybel is. Folau het net God se Woorde aangehaal. Almal sal moet vir verginis begin vra. Dis ware woorde

Robert ·

En verder sê die bybel ook , 6 dae sal jy werk en die 7 de dag sal jy rus. So geld dit vir ons almal.

Piesang ·

‘n Duidelike bewys wie tans hier op aarde heers. Folau is vir ons Christene ‘n voorbeeld oor hoe om vir die bose ‘n toffie te gooi, wat ookal die gevolge! Dit wat hy sê is in elk geval nie sy eie woord nie, maar die Woord vd Almagtige. Maar nou kan AR nie die Here skors nie, so hulle teiken Sy gelowiges.
Dis lelik van my, maar ek hoop Aus sien hulle agterend behoorlik in die wêreldbeker!!!

J ·

Die grootste gebod is Liefde. Hou die oordeel vir God. Ek was ook anti-gay. Tot my lieflingbroer uit die kas gestamp is en ek ernstig begin navorsing doen het daaroor asof my eie saligheid daarvan afhang. Ek het by God gepleit om my broer te bekeer. Wat Hy my egter, in teendeel, laat besef het is dat ons almal ná die sondeval gebore is. Gevolglik sit ons almal met defektiewe gene maar ons word nie met selektiewe Bybelverse dood gegooi, soos wat gays moet trotseer nie, want ons sondeval-genetika is meer ‘aanvaarbaar’?
Terloops, die versies wat Israel Folau aanhaal meld ‘n rits euwels. Waarom dan net gays uitsonder? As jy gays ken soos ek hulle ken sal jy ook weet sommige van hulle het ‘n beter verhouding met God as ek en jy saam. As jy dus moeite doen en navorsing gedoen het oor waarom hulle so is, en dit verstaan, dan kan ons praat daaroor. Julle wat gays so veroordeel, vee eers voor jou eie deur. Kom jy self eers die gebod van die Liefde 100% na, dan kan ons ‘n meer sinvolle gesprek voer.

Marius ·

Dis jammer dat J nie besef het dat ons wel almal in sonde gebore is en daarom tot bekering moet kom nie. God vereis dat ons wegdraai van sonde en nie doelbewus daarin voort leef nie. Lees 1Cor6:9 en besluit self of jy wil wag tot dit te laat is of nou besluit om weg te draai van sonde en Jesus toe te laat om jou skoon te was.

Judge Dredd ·

Dis die ding – Folau het nie net Gays uitgesonder – maar dis die enigste rede waarom Rugby Australie stappe teen hom doen.

Frans C ·

Die Australiese rugby unie is skynheilig,want in Dubai kan gay en ander die doodstraf
op die hals haal. Tog speel hul sewespan hul lekker daar.

Pieter du plessis ·

Hy het sy hand opgesteek vir wat reg is en ek respekteer hom daarvoor.

PJC ·

Ek verstaan nie hoekom mense so uiters sensitief wil wees vir ander se uitsprake nie. Wat de hel maak dit saak wat ń ander persoon van jou dink. Dit is dieselfde geval met die rassekwessie in SA. Hierdie kastige sensitiwiteit is net ń manier om mense se vryheid van spraak in te perk.

CallieL ·

Die Woord van God is baie duidelik. Vir die mens om die Woord te probeer aanpas omdat sielkundiges en ander n siening het sal ek jou waarborg, gaan God nie laat verander nie. Dis kommerwekkend dat God se woorde so reaksie ontlont. Is die wat glo nie meer welkom in die wereld nie.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.