Die Blou Bulle het gister agt drieë op Loftus Versfeld gedruk om ’n moedige Griekwas-span met 56 – 33 te wen.
Schalk Erasmus en Kurt-Lee Arendse het elk twee drieë gedruk, terwyl Johan Goosen vir 19 van sy span se punte verantwoordelik was. Die 29-jarige losskakel beïndruk tot dusver met elke wedstryd in die Blou Bul-trui sedert hy Frankryk vir Pretoria verruil het.
Elrigh Louw is egter een vir die toekoms en die 21-jarige losvoorspeler het met sy klipharde inklimspel beïndruk.
Die Bulle is weer eerste op die Curriebeker-punteleer en GB Jordaan was daar om die aksie vas te vang.
- Puntemakers:
Blou Bulle: Drieë: Schalk Erasmus (2), Kurt-Lee Arendse (2), Johan Goosen, Walt Steenkamp, Elrigh Louw, Jan-Hendrik Wessels. Doelskoppe: Johan Goosen (4) en Chris Smith. Strafskoppe: Goosen (2).
Griekwas: Drieë: Strafdrie, Stefan Ungerer en Janco Uys. Doelskoppe: George Whitehead (2). Strafskoppe: Whitehead (4).
- Punteleer:
- Blou Bulle 34 punte
- Haaie 30 punte
- Griekwas 26 punte
- Pumas 24 punte
- Leeus 24 punte
- WP 22 punte
- Cheetahs 19 punte