Foto’s: Herrie oor Bokke se Wêreldbeker-truie

Die Springbokke se trui vir die komende Wêreldbeker. Foto: Facebook.

Die Springbokke se trui vir die komende Wêreldbeker in Japan is vandag bekendgestel en dit was omtrent ’n deeglike proses.

Die trui word deur Asics vervaardig en hulle het saam met die Bokke meer as 10 verskillende weergawes en 30 verskillende materiale getoets voor hulle die regte trui-doepa gevind het, terwyl onderhoude met die spelers ook hul voorkeure in ag geneem het.

Die hoof- uitvoerende beampte van SA Rugby, Jurie Roux, is gaande oor die trui.

“Dit is ’n reusejaar met die Springbokke wat poog om hul derde Wêreldbeker in Japan te wen,” het Roux gesê.

“Selfs die kleinste detail is belangrik in die Bokke se poging om die silwerware te wen. En dit sluit Asics se harde werk om die mees gevorderde trui te ontwerp in.”

Die klerevervaardiger het die trui as “onstuitbaar” gedoop omdat spelers hoegenaamd nie ingeperk voel nie.

Tendai Mtawarira het gesê die trui bied die perfekte balans tussen “sterk en vinnig”, terwyl dit alle verwagtinge oortref wat gemak betref.

Tog is talle Bok-ondersteuners warm onder die kraag oor die trui se ontwerp. Op die vooraansig van die trui is die WB-logo op die regterbors, Asics se kenteken in die middel van die trui en die protea sit bo die spelers se harte.

Die springbok – wat al sedert Paul Roos se dae die trots van die Groen-en-goud was, sit op die spelers se linkermou.

Op sosiale media het talle ondersteuners hul misnoeë met die ontydige boksprong te kenne gegee.

Van die kommentaar op sosiale media is: “Waar is die springbok? Moet ons hulle nou die Proteas noem?”; “So, die borg het hulle gedwing om die springbok op die skouer te plaas … die borge het ons trots weggeneem. Teleurgesteld.”; “Die Bokke? So, waar presies is die bok-embleem? Dit is pateties.” en “Herontwerp asseblief die trui, die springbok-logo moet onder die Asics-logo wees.”

Die 2011-trui het ook die bok-embleem op die linkerskouer gehad. Foto: Facebook.

Asics het selfs op Twitter geantwoord en gesê die springbok is inderdaad op die spelers se linkermou, soos wat die WB-regulasies stipuleer.

Die 2011-Boktrui – wat deur Cantebury ontwerp is – het inderdaad die springbok op die linkermou gehad, sowel as die Asics-trui van die 2015-WB.

Ondersteuners van die Springbokke is ook ongelukkig oor die grootte van die embleem.

  • Die trui is van môre af teen R750 beskikbaar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

81 Kommentare

jongste oudste gewildste
bloues

Hier word verwys na springbok ondersteuners. Is daar werklik mense wat die bokkies ondersteun?

thea

ag so word alles wat dierbaar is vir ons weggevat
daar bly nie veel oor nie,net ons geld is wat hulle belangstel in
sal hom glad nie eers oorweeg om te koop nie

Theuns

En is die ander spanne se emblem ook op hulle moue, of op die voorkant van die trui? Is dit die protea span of die Springbok span?

pvr

Daar was in verlede gesë dat die protea net tydelik is en die SPRINGBOK NOOIT sal verdwyn nie!
Wat nou?

Judge Dredd

Nes Multichoice/Toyota.

Die Sprinbokke se waardes van BEE spelers kies Bo spelers van verdienste, strook ongelukkig nie met my eie nie.
Dus ontrek ek my geldelike ondersteuning aan hierdie span.
Dankie