Goeie vaste fasette in sy Goue Beker-wedstryd Saterdag teen Welkom Rovers (Griffons) het `n stewige platform vir Durbanville-Belville (Westelike Provinsie) se baldraers geskep.
Só het Bobby Joubert, die verdedigende kampioen se hoofafrigter, aan Pale Toe! gesê na sy span se sege van 32-24 in Welkom.
“Durbell was die volle 80 minute in beheer van die telling, hoewel hy baie foute gemaak het, wat nie in sy aard is nie.
“Rovers het goed teruggeveg en swak verdediging het toegelaat dat hulle in die laaste tien minute twee keer gaan druk het.”
Joubert sê Roderick Moses, die Durbies se regtervleuel was uitstekend asook die haker Jacques Vermaak wat `n syfer van 100% in die lynstane gehandhaaf het.
Peter Virgin, Durbell se spanbestuurder, het bygevoeg dat Rovers getoon het gemeenskapsrugby is gesond.
Hy het die administrasie van die Welkomse span geloof vir die wyse waarop hy sake betreffende die kragmeting behartig het.
Wat vir n woord is deurslaande ? Swak geskryf regtig
Dankie vir die kommentaar. Verwys Groot Thesaurus vir Afrikaans. Dit beteken dieselfde as “deurslag gee” wat te lank in die opskrif sou wees.