Gelykopuitslag in die Kaap!

Siya Kolisi en kie het gelykop teen die Crusaders gespeel. Foto: Stormers Facebookblad.

Die Crusaders was laas in 2013 in die Kaap. ’n Baie jong Siya Kolisi het toe ook ’n drie op Nuweland gedruk, maar die tuisspan het uiteindelik ’n naelbytstryd 19 – 14 verloor.

Vanmiddag het die Stormers egter so byna die bordjies verhang toe hulle 19 elk gelykop gespeel het teen die manne van Christchurch. Dit is die tweede keer hierdie seisoen dat ’n Suid-Afrikaanse span hul gelyke man teen die Crusaders staan: die Sharks spog met ’n weguitslag van 21 elk teen hulle.

Jean-Luc du Plessis het gewys dat hy oor senuwees van staal beskik toe hy die belangrike strafskop in die 80ste minuut van die wedstryd tussen die dwarslatte deurgejaag het. Was dié strafskop mis, sou die Stormers 19 – 16 verloor het.

Die Crusaders het drie drieë gedruk, maar dit was die skopvoet van Du Plessis, en vroeër Joshua Stander, wat die verskil tussen die twee spanne was.

Vir die besoekers was Richie Mo’unga in die kol met twee doelskoppe.

Natuurlik was daar ook ’n tikkie skeidsregterdrama toe die drie van die Crusaders se Sevu Reece in die 76ste minuut nie toegelaat is nie. Televisie-skeidsregter Marius Jonker het beslis dat ’n aangee vorentoe was, al het baie Crusaders-ondersteuners nie met dié besluit saamgestem nie.

Om die Stormers se reusepoging in perspektief te plaas – die Bulls het verlede week meer as 40 punte teen die einste gesnorde Crusaders afgestaan.

Pieter-Steph du Toit was ’n breker op flank, terwyl die res van die span nie teruggestaan het nie.

Dit was ’n goeie naweek vir Suid-Afrikaanse spanne, met nie ’n enkele span wat verloor het nie.

  • Puntemakers:

Stormers: Drieë: Siya Kolisi. Doelskop: Joshua Stander. Strafskoppe: Stander (2), Jean-Luc du Plessis (2).

Crusaders: Drieë: Matt Todd, David Havili, Braydon Ennor. Doelskoppe: Richie Mo’unga (2).

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

41 Kommentare

SAM VAN STRAATEN ·

Die afgelope klompie jare word vleuls toegelaat om huldirekte opponent te ignoreer!Waarom en hoekom????Dan maak hulle of hulle vir die buitesenter gaan
Dis mos BOG!!!(Bang hy mis sy sy nr.1 plig)

Avokado ·

Marius Jonker laat nie ‘n geleentheid verbygaan om sy naam in die koerant te kry nie.

ccb ·

Mnr Jonker het as tv skeidsregter die verkeerse besluit geneem en so die Stormers bevoordeel. Ooglopend ‘n blatante (moedswilllige?)foutiewe beslissing.!!! As daardie bal darem vorentoe was, het die son sekerlik gestruikel en het ons ‘n reuse loadshedding gehad.

TN ·

Wat Jonker gedoen het was skokkend ___ dit laat ons bloot na ‘n klomp skelms lyk !

Deon ·

As Stormer supporter, moet ek sê, die TMO was verkeerd. Sy optrede is verdag. Nes die van Egon Seconds die afgelope jaar. Ons WIL wen, maar op ‘n eerlike manier

Johan Grobler ·

As Suid Afrikaanse rugby ondersteuners behoort ons almal vandag skaamte te ervaar met die skokkende partydige beslissings van die SA lynregters (wat voortdurend ingemeng het) en die TMO in hierdie wedstryd. Het wen (en die feit dat ons spanne nie die NZ spanne kan klop nie) nou daartoe gelei dat ons tot sulke lae taktiek gedaal het?

Bokkom ·

Aan ons toeskouer op Nuweland wat van die Plein af kom. Verwar julle Wellington langs die Paarl met die een in N.Z.?

CallieL ·

Mag as SuidAfrikaners nooit weer oor n swak beslissing kla nie. Hier geniet en trek ons duidelik die voordeel van een

Charles ·

Ai tog, jul klompie rusbank skeidsregters…………….seker gehik van die dop en dam?

Kerneels ·

Bly vi Fleckie se part. Darem kan hy weer vir slag rustig ‘n ou snoekie braai, of hoe kolla…?

Bul ·

Dink Marius Dronker en Fleck braai saam snoek vanmiddag. Eers ou seconds best teen die Leeus nou die blinde beslissing. Waar op die liga sou die stompies gewees het sonder daai twee totale belaglike beslissing?

Frans C ·

In Boks is daar ‘n uitdrukking ‘saved by the bell’.Die opponent loop gevaar om uitgetel te word toe die klokkie lui.In die Stormers se geval was dit ‘saved by the TMO’.
Dit is die 2de keer dat ‘n skeidsregter tot Stormers se redding kom.Hulle het ‘n 2de kans gekry toe SEconds toegelaat het dat Etzebeth die bal solank vasklou terwyl Marx oor hom en op sy voete is,dat ‘n mens ‘n koppie koffie kon maak,rerugkom en nog steeds Etzebeth aan die bal sien klou.

Tot groot vreugde van die skare en Seconds kry die Stormers ‘n strafskop,waarvan hul tot vreugde van Seconds en die skare die wendrie druk! Dit is nou maar die soet en suur
van Superrugby waar skeidsregters en nie spelers alhoemeer die uitslag van ‘n wedstryd begin bepaal.

Gelukkig vir die Leeus vergoed Seconds met ‘n aantal bisarre beslissings ten gunste van die Lions in hul wedstryd teen die Waratahs.Nou wat van die Crusaders,hulle druk drieë
en dit is waaroor rugby gaan maar laat toe dat hul teenstanders terugkom omdat hul-hulself skuldig maak aan oortredings,wat in strafskoppe eindig.

Van al die nuwe reëls om rugby meer opwindend te maak kom net mooi dadels.Skrumskakels gooi die bal klokslag onder slotte se voete in en omdat die opponent nie die bal hoef te haak nie,word dit ‘n geval van 16 voete teen 15 met die gevolg dat skrums soms in ‘n gemors ontaard.

Die opskiet verdediging maak hardlooprugby feitlik onmoontlik en ontaard dit meer in judogooi kompetisie.

kolla ·

Wat van die vorentoe aangee van die losskakel vir hulle vorige drie wat nie opgetel is nie? Selfs al het hierdie laaste drie gestaan sou dit net van ‘n lucky bounce af gewees het. Willemse kon net so wel gedruk het as die bal reg gespring het en dan het die Stormers gewen. Stormers het goed gespeel, trots op hulle.

Gustav ·

Ja in alle regverdigheid, daai bal was gladnie vorentoe aangegee nie. Ek kon die besluit nie glo nie. Ek is bly die Stormers het nie verloor nie, maar nie so nie

P J Fourie ·

Marius Jonker was verkeerd (soos baie keer), maar laat dit vir die NZ ‘n les wees, hulle het darem al verskeie kere die voordeel gekry uit ooglopende swak beslissings. Mooi so Stormers.

Swartwolf ·

Stormers gelukkig om gelykop te speel, Jonker het duidelik ‘n reuse fout gemaak. Eers het Fleck saam met Seconds gebraai na Ellispark vandag braai hy saam met Jonker……

kolla ·

Vorentoe, definitief (sommer ver ook). Lyk nie so in “real time” nie maar definitief in stadige aksie. Hul vorige drie was daar ook twee vorentoe aangee. Jammer die bal het net nie reg gespring vir Willemse teen die einde nie. Trots op ons manne en die briljante Bok Kaptein.

Swartwolf ·

Selfs al die verneuk deur die TV ref net vir gelykop? Dis ‘n skande. Soen maar jou sussie – het ‘n ware Springbok eendag gese oor gelykop uitslag.

Bokkom ·

Sorry julle. Dit WAS vorentoe. Ek gekyk en gekyk en gekyk in slow-mo. Die bal was uitgegee voor die lyn en toe weer gevang anderkant die lyn in ‘n vorentoe beweging.

kolla ·

Definitief, kan nie sien waaroor die bohaai gaan nie. Bal het ten minste 1,5 meter vorentoe beweeg. Eintlik was dit ‘n swak aangee, so ‘n lui “floater”. Maunga se kort aangee vir hul vorige drie was definitief ook vorentoe en die laaste aangee na die vleuel ook.

Swartwolf ·

Dit was duidelik nie vorentoe nie. Crusaders moes gewen het. As dit nie vir seconds best op Ellispark en jonker gister was nie was die windjies nog verder onder op die log. Wel op die SA log kan hul nie verder ondertoe nie op die algehele log bedoel ek.

Frans C ·

Twak dit het niks te doen met waar die bal gevang word nie.Solank die speler se hande agtertoe wys en onthou hy gee aan van sy regterbeen voor na regs,sodat sy lyf kan
‘swivel’ maak dit nie saak nie ,waar dit gevang word nie,want as jy hardloop is die momentum van die bal altyd vorentoe. In die sin is enige aangee ‘vorentoe’,

Josua Keys ·

Weet nie watse terug flitse jy gekyk het nie maar kyk maar gerus weer, die man wat die bal uitgegee het was geduik net voor die bal gevang was alby was in n vorentoe beweging betrokke en daarom het dit gelyk of die bal vorentoe aangegee was, daardie aangee was beslis nie vorentoe, soos hulle baie kere voorentoe aangee wou regverdig met die handbeweging kan ek vir jou sê my ou, selfs die handbeweging was na agter toe so ja daardie drie moes getel het of jy daarvan hou of nie. Wat ek wel kan die Stormers het regtig goeie rugby gespeel en hulle het gewys die Cruisaders kan geklop word as elke ou net sy werk doen, as Willemse nie so oorgretig was nie kon hy ook ‘n drie gedruk het wat ook kon bydrae tot n grooter telling maar die Cruisaders was beslis ‘n drie ontneem.

Vita ·

Was nie voorentoe nie,die persoon wat bal aangegee het se hande het agtertoe beweeg,die bal flout,dit spoed waarteen die mamne hardloop,laat dit lyk of bal voorentoe is,die paneel en Mark Lawrence het gese dit was n drie

kolla ·

Swak aangee, VER vorentoe. Die ontvanger was wel agter die bal toe dit ge-pass was, dit maak nou mense deurmekaar. Van sy hande af alleenlik kan mens nie oordeel, dis nie duidelik nie.

Ls ·

Toemaar ons verstaan, weens die finansiële druk waaronder die WP unie steeds is en Rassie se abnormale liefde vir WP spelers om in die bokspan te wees, selfs as kaptein, is dit seker te wagte dat die Stormers gehelp moet word om soms te kan wen, anders kan dit baie snaaks lyk as meer as die helfte van die bokspan uit die span kom wat heel laaste op die log eindig in die super reeks. S.O.S.

Swartwolf ·

Bok kaptein ‘n nar. Klein van postuur en gees. Dwerg in ‘n reus se mantel. Sal nie ‘n enkele europese klubspan maak nie. In SA beter skole spelers as die nar.

kolla ·

Kaptein Kolisi bly maar die beste. Maak sommer daai jong, nuwe flank en agsteman ook Bokke.

Swartwolf ·

Ons het gesien hoe reusagtig die wereld van rugby hom ag aan al die reuse offers wat hy van oorsese klubs kry. Duidelik die wereld klas materiaal soos Pollard, Lood, Etsebet, du Toit, Kitshoff, Liebenberg, Marx, Kriel gaan oorsee. Die kwotas bly hier want hulle is presies waar hulle moet wees – tweede en derde beste. En in die bontebok trui.

Derick ·

Het dit gese en se dit weer en sal dit altyd se:
N skeidsregter/Tmo (veral van SA) kan besluit wie moet wen of wie moet verloor.

Frans C ·

Kolla momentum is die hoeveelheid beweging wat ‘n bewegende voorwerp het.Hoe meer momentum ‘n voorwerp het hoe moeiliker is dit om te stop.Dit onthou ek nog van my skooldae,jare gelede af.
Dit is waarom ‘n mens nie los pakkies agter in ‘n motor los nie en jouself ingordel,want
jy beweeg teen dieselfde spoed as wat die motor beweeg.As jy nie ingegordel is nie en die motor kom tot stilstand is dit afhangende die spoed .daar ‘n goeie kans dat jy deur dievoorste ruit gaan trek of dat ‘n pakkie al is jy ingegordel jou teen die kop gaan tref.

Dieselfde met ‘n rugbybal die momentum dra die bal vorentoe en jysal dus sien dat wanneer ‘n speler geduik word die bal vorentoe spat,party keer lyk dit agtertoe want die speler se momentum dra hom/haar verby die bal bal.

Dit is ook waarom ‘n mens maklik seerkry,want nie alleen moet jy vandag nie alleen ‘n 120kg speler se massa hanteer nie maar ook sy momentum.

Daarom is die TMO se beslissing verkeerd en in die geval is dit goed so,want die Stormers het goed gespeel en nie verdien om te verloor nie.

Pieter ·

@ Frans C – sommige mense sukkel maar om te verstaan Frans. Hulle dink die bal moet gevang word agter die posisie op die veld vanwaar hy aangegee is. Ek is ‘n Stormer ondrsteuner, maar daardie beslissing WAS beslis verkeerd. Die SA skeidsregters en TMO’s is pateties.

Bul ·

Frans C dankie vir die fisika verduideliking dis 100% reg maar al speel ‘n span hoe goed en kan nie die goeie spel in punte omskep nie verdien hul nie om deur ‘n belaglike skeidsregtersfout gelyk te speel of te wen nie.

Frans C ·

Ag wat Bul dit is nou verby,want die gelykop en die Hurricanes se pak slae het my Superbru
in ieder geval so goed opgevoeter dat ek simpatie met Stormers ondersteuners soos Kolla het,al verstaan hul nie altyd mooi nie.

Frans C ·

Dankie Pieter
.Skeidsregters is mense en mense maak foute.Die TMO het hom laat lei deur dit wat hy sien en het homself nie vraag afgevra waarom dit so is nie.Party keer wonder ‘n mens of die skeidsregter homself wel moet laat lei deur stadige terugspeel want selfs dit toon nie die ‘ingeboude’ momentum van die bal nie, slegs dit wat besig is om te gebeur en daarom speel die posisie van spelers se hande so ‘n belangrike rol.

Toe Jaco Peyper vir Kwagga Smith in die eindstryd teen die Crusaders ‘n rooi kaart gee
omdat hy David Havili, wat in die lug gespring ,se bene onder hom uit hardloop het hy hom ook deur die TMO laat lei.Dit het die enigste kans wat die Leeus ooit gehad het om die beker te wen ‘n nekslag toegedien het.

Peyper het nooit gekyk soos die vertolking van die reë bepaal of daar opset was,maw
Smith het besluit dat Havili ‘n bedreiging was en daarom van die veld gespeel moes word.
Video opnames toon duidelik dat Kwagga steeds die lugbal dophou terwyl hy hardloop.
Hy kyk dus nie eers na die heelagter nie.Die spring tussen spelers op om die bal te vang
en Kwagga bereik hom terselfdertyd want sy momentum dra hom onder die speler deur.

Was dit gevaarlik,Ja, was dit opsetlik,Nee.Strafskop en geelkaart was dus gepaste opsie
en nie die uiterste straf nie.

Henry ·

Wat maak die swak beslissing uiteindelik saak?
Crusaders gaan steeds die kompetisie wen en die arme Visvoete gaan laps, oftewel heel laaste eindig.
hehehe

Johan ·

Frans C, dankie vir jou inset (of mens saamstem of nie) met ten minste redenasie en intelligensie daarin – anders as byvoorbeeld Henri se inset.

Ek gaan nie my lang inset herhaal nie, want MM wou dit om ‘n onverstaanbare rede nie plaas nie – en daar was GEEN lelike goed geskryf nie. Het oa gegaan oor toepassing van reels (veral by skrum). Ek gaan alles weer skryf en dan plaas MM dit weer nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.