Raiders het Saterdag sy oorhand bevestig in die wedloop om die Goue Leeus-rugbyunie (GLRU) vanjaar in die SA Rugbyunie (Saru) se internasionale reeks om die Goue Beker te verteenwoordig.
Hy het sy vernaamste uitdager, Pirates – verlede jaar die bond se beste oop klub – oortuigend met 36-19 in die reeks om die Pirates-grootuitdaagbeker (PGU) verslaan.
In ʼn Wes-Randse derbystryd het Randfontein naelskraap met 24-22 teen Roodepoort gewen.
In die reeks om die Bailybeker het Alberton met 26-20 oor Harlequins van Krugersdorp geseëvier; en Johannesburg Polisie het Diggers met 43-21 gelooi.
Alexandra het Kagiso in die Senior Grootuitdaagreeks (SGU) met 49-12 verwoes; en Tshuma Stingers het met 20-11 oor Eldornians getriomfeer.
Ander uitslae –
PGU
Tweede spanne
Raiders 38, Pirates 22; Randfontein 17, Roodepoort 13.
Derde spanne
Raiders 17, Pirates 12; Randfontein 20, Roodepoort 5.
Onder 21-spanne
Raiders 45, Pirates 25; Roodepoort 21, Randfontein 21.
Onder 19-spanne
Pirates 63, Raiders 0; Roodepoort 29, Randfontein 0.
Bailybeker
Tweede spanne
Alberton 54, Quins 17; Polisie 25, Diggers 22.
Derde spanne
Alberton 36, Quins 14; Polisie 55, Diggers 3.
Onder 21-spanne
Alberton 66, Quins 0; Diggers 31, Polisie 10.
Onder 19-spanne
Alberton 52, Quins 5.
SGU
Onder 20-spanne
Kagiso 34, Alexandra 22; Stingers 22, Eldoronians 21.