Soos dinge nou lyk, kan Wits vanjaar sake in die Goue Leeus-rugbyunie (GLRU) se Pirates-grootuitdaagliga omkrap.
Die studente se oorwinning van 51-7 Saterdag oor Wanderers was onverwags groot, en hoewel hulle `n entjie agter die voorlopers is, het hulle `n wedstryd minder (in Raiders se geval twee) as die res gespeel.
Die Universiteit van Johannesbrg, die NWU Pukke, Raiders en Pirates het dusver `n trappie bo die res uitgestyg.
In die woorde van sy hoofafrigter, Gerhard Swart, het Johannesburg Polisie sy grootste uur (of twee) beleef toe hy Unie Vrydag met `n stewige vertoning 77-0 geklop het.
Dis Polisie se eerste sege sedert sy hertoelating tot die GLRU se senior reeks.
In die naweek se ander wedstryde het UJ vir Pirates 20-19 geklop; die Pukke het 50-7 teen Randfontein gewen; en Raiders het 43-29 teen Roodepoort gewen.
Johannesburg Polisie se span wat Unie 77-0 geklop het.
♦ Swart sê die Bobbies het in `n hoë tempo gespeel, en die skakelpaar, Nico Johst en Martin da Souza, het die vonk verskaf wat 11 drieë opgelewer het. Da Souza het al 11 verdoel om 22 punte te behaal.
Die flank Charl Olivier het die eerste drie binne tien minute gedruk en die Bobbies het nog vier in die eerste helfte bygevoeg.
Olivier, die vleuels Zuku Mgijima en JZ de Jager en die senter Anthony Kapp het elk twee keer agter die doellyn gaan kuier. Sipo Mohlahla (senter) en Armand Goosen (flank) het die Bobbies se ander twee drieë gedruk.
Swart is in sy noppies met die ommekeer sedert die wedstryd teen Raiders.
“Die spelers het werklik goed gespeel en ons aanval was goed op dreef.
“Ons durf Wanderers Vrydag met `n mate van vertroue aan, en sal ons bes doen om te verras.”
Polisie se tweede (26-3) en o.20-span (12-0) het ook gewen, en Unie kon nie `n o.21-span bymekaar kry nie.
Unie se derde span het 17-10 gewen.
Ander uitslae –
Pirates-grootuitdaagliga
Tweede spanne
Wits 15, Wanderers 12; Pukke 26, Randfontein 0; Raiders 31, Roodepoort 12; UJ 30, Pirates 6.
Derde spanne
Wanderers 40, Wits 0; Pukke 87, Randfontein 0; Raiders 21, Roodepoort 12; Pirates 25, UJ 24.
O.21-spanne
Wits 59, Wanderers 12; Pukke 41, Randfontein 14; Raiders 29, Roodepoort 12; UJ 7, Pirates 0.
O.20-spanne
Wits 43, Wanderers 6; Pukke 62, Randfontein 0; Roodepoort 51, Raiders 14; UJ 76, Pirates 0.
Senior Grootuitdaagbeker
Eerste spanne
Diggers 106, UJ Soweto 0; Harlequins 27, Tsuma Stingers 25.
Tweede spanne
Diggers 29, UJ Soweto 5; Harlequins 36, Tsuma Stingers 5.
O.20-spanne
UJ Soweto 33, Diggers 10; Harlequins 64, Tsuma Stingers 0.
Presidentsliga
Eerste spanne
Southern Knights 38, Kagiso Stings 15.
O.20-spanne
Southern Knights 20, Kagiso Stings 17.
Opgesomde puntelere –
Eerste spanne
UJ 24, NWU Pukke 24, Raiders 23, Pirates 21, Wanderers 15, Wits 12, Polisie 11, Randfontein 10, Alberton 6, Roodepoort 2, Unie -3.
Senior Grootuitdaag
Eerste spanne
Germiston Simmer 15, Diggers 14, Harlequins 11, Tshuma Stingers 8, Khosa 6, UJ Soweto 1.
Presidentsliga
Eerste spanne
Southern Knights 14, Jabulani 10, Alexandra Wolves 6, Eldoronians 5, Kagiso Sting 0, Soweto 0.
