Victoria-Wes Force is ná die sesde week steeds die voorloper in Griekwas se Pixley ka Seme-streek.
Prieska is kort op sy hakke in die streek wat min of meer ooreenstem met die ou Conroy-subunie.
Die Force het 23 ligapunte na vyf wedstryde en Prieska 21 in ses. Carnarvon se Young Lions en Rivertons, wat onderskeidelik derde en vierde is, het elk 14 punte.
In die week se enigste wedstryd het Richmond Wild Geese `n oortuigende oorwinning van 35-21 oor Vanwyksvlei Elevations behaal.
Opgesomde punteleer –
Force 23, Prieska 21, Carnarvon 14, Rivertons 14, Vanwyksvlei 13, Hanover Spartans 12, Richmond 8, De Aar Titans 7, Victoria-Wes Eagles 5.
(Klubbesture landwyd word genooi om bondige wedstrydverslae Maandae voor 11:00 vir publikasie aanPale Toe! by [email protected] te stuur.)
