`n Nie te groot nie sege van Victoria-Wes se Western Force Saterdag oor Rivertons besorg hom ewe veel (10) op die punteleer as die voorloper Prieska-Dorp.
Die Force het hul wedstryd in die streek Pixley ka Seme (min of meer die ou Conroy-subunie) 34-27 gewen. Prieska se vroeëre wegholoorwinning van 79-0 oor Rivertons verseker egter dat hy nog lank `n beter batige puntesaldo sal hê.
De Aar Titans en Young Lions (Carnarvon) se eerste seges en die punte wat Victoria-Wes Eagles by Richmond Wild Geese gekry het, het almal `n trappie of ses op die punteleer laat klim.
De Aar het Hanover Spartans 48-0 en Young Lions vir Vanwyksvlei Elavations 61-5 verslaan.
Opgesomde punteleer –
Prieska 10, Western Force 10, De Aar 6, Young Lions 5, Vanwyksvlei 5, Eagles 4, Hanover 4, Rivertons 1, Richmond 0.