Highlander-loesing toon eintlik span se fut

College Rovers druk `n drie teen Durban Collegians. (Foto: Graham Daniel/369 Communications)

College Rovers druk `n drie teen Durban Collegians. (Foto: Graham Daniel/369 Communications)

Die loesing van 5-101 wat Newcastle Highlanders Saterdag in die kwarteindronde van die KwaZulu-Natalse uitklopreeks om die Murraybeker teen Vryheid op die lyf geloop het, is eintlik `n getuigskrif vir die span se fut.

André Swanepoel, die hoofafrigter van Boschpick Newcastle Highlanders, sê 23 van die eerstespanspelers was beseer en die 16 spelers wat bereid was om Vryheid aan te durf, verdien krediet vir die moed wat hulle aan die dag gelê het.

“Ons kon eenvoudig nie met uitklopliga voortgaan nie, maar was verplig om te speel.

“Dus, met flanke op senter en `n vleuel en voorrymanne op slot en flank, en van die ander spelers wat ook uit posisie gespeel het, kan `n mens seker verstaan waarom die telling so hoog was.”

Amanzimtoti druk `n drie teen Crusaders. (Foto: Graham Daniel/369 Communications)

Amanzimtoti druk `n drie teen Crusaders. (Foto: Graham Daniel/369 Communications)

Swanepoel sê Newcastle se derde en o.20-span was boonop ook Saterdag in aksie, en dit wil gedoen wees met soveel beserings net in die eerste span.

Die klub se seisoen is nou verby en benewens spelers wat operasies sal ondergaan, sal daar sterk op `n herstelprogram met die oog op 2017 gefokus word.

Ander uitslae –

Murraybeker

Durban Collegians 23, College Rovers 21; UKZN Impi 22, Jaguars 15; Amanzimtoti 31, Crusaders 17; Varsity College 25, South Coast Warriors 18.

Junior Murraybeker

Zululand Rhinos 54, Richardsbaai 22; Westville Old Boys 43, Ballito Dolphins 12; Sentraal (Dundee) het bes teen Hillcrest Villagers gegee.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae