Hoe lyk jou Bokvyftiental teen All Blacks in Japan?

Willie le Roux, Jesse Kriel en Faf de Klerk. (Foto Facebook All Blacks)

Om ’n Springbokkeurder of -afrigter te wees, is waarskynlik een van die moeilikste beroepe in die sportwêreld. Nie net moet jy politici met jou spankeuse tevrede stel nie, jy moet ook sportmal-ondersteuners met jou uitslae op die veld beïndruk.

Toegegee, daar moet nog baie waters (lees Rugbykampioenskap, spankeuses, beserings, swak spelpeil, ensovoorts) onderdeur die Bokbrug vloei vóór hulle Septembermaand teen die All Blacks in hul eerste Wêreldbeker-wedstryd speel; maar as jy na Rassie Erasmus se oefengroep kyk wat in Pretoria byeengekom het, kan jy soort van ’n idee kry van hoe die WB-vyftiental kan lyk.

Snaaks genoeg is die talentvolle Curwin Bosch nie in Erasmus se oefengroep nie. Die talentvolle Sharks-agterspeler is weliswaar vanjaar nie té watwonders bestuur nie, maar hy het met ’n paar uithaler-vertonings vorendag gekom; hetsy op heelagter of op losskakel.

Onder die losvoorspelers is die 23-jarige Marco van Staden nadergetrek as voorsorgmaatreël vir die beseerde Siya Kolisi.

Onder die ander losvoorspelers is Warren Whiteley nog op die krukkelys en daar word duim vasgehou dat hy saam na die Wêreldbeker kan reis. Die Leeus-kaptein het ’n kalmerende invloed op enige span vir wie hy speel en sy leierskapvaardighede is ’n aanwins vir die Bokke.

As daar egter ’n speler is wat verdien om in die Bokspan (selfs al is dit net vir sy passie en durf) te wees, dan is dit die Lions se Kwagga Smith.

Die Johannesburgers se woelwaterflank het gereeld vir speler-van-die-wedstryd-vertonings gedurende hul Superrugby-veldtog gesorg. Maar as sy vernuf en die grootte van sy hart vir hom tel, dan tel sy fisieke grootte dalk effens teen hom – onthou julle Sevu Reece se die-bus-is-vol-oomblik teen hom?

Smith staan egter nie sommer vir groter spelers terug nie.

Hier is die spelers wat Erasmus vir sy oefengroep nadergetrek het. Wie sal deel vorm van jóú beginspan vir die All Black-stryd in Japan?

Heelagters/vleuels: Aphiwe Dyantyi (Lions), Warrick Gelant (Bulls), Makazole Mapimpi (Sharks), Sbu Nkosi (Sharks), Cheslin Kolbe (Toulouse), Willie le Roux (Toyota Verblitz), Dillyn Leyds (Stormers).

Senters: Lukhanyo Am (Sharks), Damian de Allende (Stormers), André Esterhuizen (Sharks), Jesse Kriel (Bulls), Frans Steyn (Montpellier).

Losskakels: Handré Pollard (Bulls), Elton Jantjies (Lions).

Skrumskakels: Faf de Klerk (Sale Sharks), Herschel Jantjies (Stormers), Cobus Reinach (Northampton Saints).

Losvoorspelers: Marcell Coetzee (Ulster), Pieter-Steph du Toit (Stormers), Rynhardt Elstadt (Toulouse), Siya Kolisi (Stormers), Francois Louw (Bath), Kwagga Smith (Lions), Duane Vermeulen (Bulls), Marco van Staden (Bulls).

Slotte: Lood de Jager (Bulls), Eben Etzebeth (Stormers), Franco Mostert (Gloucester), Marvin Orie (Lions), RG Snyman (Bulls).

Stutte: Thomas du Toit (Sharks), Lizo Gqoboka (Bulls), Steven Kitshoff (Stormers), Vincent Koch (Saracens), Frans Malherbe (Stormers), Beast Mtawarira (Sharks), Trevor Nyakane (Bulls).

Hakers: Schalk Brits (Bulls), Malcolm Marx (Lions), Bongi Mbonambi (Stormers).

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
Swartwolf

Gelant Dyantyi Am Steyn Nkosi Pollard De Klerk Vermeulen Du Toit Elstadt De Jager Bench: Koch Snyman du Toit Nyakane Brits Marx Mosterd Gquboka Reinach Le Roux Smit

kolla

Is Willemse beseer? Bly Leyds is in die groep, moes al LANKAL gewees het.

Henk

Haker – Malcolm Marx
Stutte – Trevor Nyakane en Steven Kitshoff
Slotte – Eben Etsebeth en RG Snyman
No8 – Siya Kolisi/Duane Vermeulen
Flanke – Kwagga Smith en Marcell Coetzee/Duane Vermeulen
Loskakel – Handre Pollard
Senters – Frans Steyn en Andre Esterhuizen
Vleuels- Amphime Dyanti en Makuzole Mpimpi
Heelagter – Warrick Gelant

Reserwes
Schalk Brits
Beast
Thomas Du Toit
Franco Mostert
Pieter Steph Du Toit
Cobus Reinach
Jesse Kriel
Willie Steyn

LHS

Onverklaarbaar soos altyd, die Leeu stutte skrum die Wp en Sharks uitverkorenes stukkend in die super 15 maar kom ons los dit maar eerder daar.

Nett

Chester Williams
Balie Swart,
Francois Pienaar,
James Small,
Hennie le Roux
Andre Joubert
Ruben Kruger
Rudolf Straeuli,
Mark Andrews
Kobus Wiese
Krynauw Otto
Hannes Strydom
Robbie Brink
Adriaan Richter
Os du Randt
James Dalton
Japie Mulder
Gavin Johnson
Joost van der Westhuizen
Brendan Venter
Chris Rossouw
Joel Stransky
Johan Roux