Sal die Blou Bulle dalk die deurslaggewende rol in Saterdag se Curriebeker-eindstryd speel?
Wanneer die Westelike Provinsie en die Sharks mekaar op Nuweland pak, kan dit dalk net wees dat die 100 minute wat die WP verlede week saam met ekstra tyd teen die vasbyt-Bulle moes speel, in die tweede helfte in hul bene sal sit.
Dit sal ook veral die voorspelers wees wat dit sal voel ‒ en eindstryde word eintlik maar voorlangs gewen, ongeag die moontlike invloed van die agterspelers en hul drieë. Soos verlede jaar, toe die WP met 33-21 en vier drieë teen twee in Durban gewen het, maar vir hul voorspelers en veral Wilco Louw moes dankie sê vir die tweede helfte wat sake van ʼn rustyd-agterstand van 19-21 omgeswaai het.
Die Sharks het die voorspelers wat kan dryf, dryf en nogmaals dryf. Die Du Preez-tweeling, Dan en Jean-Luc, en hul flankmaat Tyler Paul is groot, aggressiewe baldraers. Thomas du Toit ook, en Akker van der Merwe is ʼn irritasie vir elke span met sy vermoë om besit los te woel en meters veld met sy kort treetjies te wen.
Die WP sal hierdie baldraers moet stuit. Hulle sal ook dan van die grondbesit hier moet steel. En wees maar verseker, dít tap energie en die KwaZulu-Natallers weet dit en sal dit probeer uitbuit.
♦ Tuisveldvoordeel? Van die vier eindstryde wat die twee spanne tot dusver teen mekaar gespeel het, het die tuisspan net vier gewen en die besoekers vier.
Dit was in die laaste drie wedstryde die geval toe die WP in 2012 (25-18) en 2017 (33-21) in Durban gewen het. maar vir die Streeptruie is daar Saterdag die waarskuwing van 2013, toe die Sharks oortuigend met 33-19 op Nuweland baas was.
Eindstryd-uitslae
(tuisspan eerste genoem, met tuis- of wegoorwinnings tussen hakies ná die tellings)
1984 WP 19, Natal 9 (tuis)
1995 Natal 25, WP 17 (tuis)
2000 Sharks 15 WP 25 (weg)
2001 WP 29 Sharks 24 (tuis)
2010 Sharks 30, WP 10 (tuis)
2012 Sharks 18, WP 25 (weg)
2013 WP 19 Sharks 33 (weg)
2017 Sharks 21, WP 33 (weg)
Spanne ‒
Westelike Provinsie
15 Dillyn Leyds, 14 Sergeal Petersen, 13 Ruhan Nel, 12 Damian Willemse, 11 SP Marais, 10 Josh Stander, 9 Jano Vermaak, 8 Sikhumbuzo Notshe, 7 Ernst van Rhyn, 6 Kobus van Dyk, 5 JD Schickerling, 4 Chris van Zyl (kaptein), 3 Wilco Louw, 2 Bongi Mbonambi, 1 Ali Vermaak. Bank: 16 Scarra Ntubeni, 17 Caylib Oosthuizen, 18 Michael Kumbirai, 19 Salmaan Moerat, 20 Jaco Coetzee, 21 Herschel Jantjies, 22 Dan Kriel, 23 JJ Engelbrecht.
Sharks
15 Curwin Bosch, 14 S’bu Nkosi, 13 Jeremy Ward, 12 Marius Louw, 11 Aphelele Fassi, 10 Robert du Preez, 9 Louis Schreuder (kaptein), 8 Daniel du Preez, 7 Jean-Luc du Preez, 6 Tyler Paul, 5 Hyron Andrews, 4 Gideon Koegelenberg, 3 Thomas du Toit, 2 Akker van der Merwe, 1 Juan Schoeman. Bank: 16 Chiliboy Ralepelle, 17 Mzamo Majola, 18 Coenie Oosthuizen, 19 Jacques Vermeulen, 20 Luke Stringer, 21 Cameron Wright, 22 Kobus van Wyk, 23 Leolin Zas.
Afskop: 1600.
Skeidsregter: Jaco Peyper.
Assistent-skeidsregters: AJ Jacobs, Cwengile Jadezweni.
TV-skeidsregter: Shaun Veldsman.
Sonder “Ego” Seconds in hul span dal dit maar nie so maklik wees vir die WP nie. Hopelik is Jaco Peyper konsekwent in sy besluite en blaas hy nie die laaste 20 minute uit ‘n ander reelboekie uit nie. Ek is ‘n Lion supporter maar ondersteun die Sharks vandag. Hoekom? WP is in die finaal in “geblaas” deur Mnr Seconds. Sterkte Sharks
GoSharksGo jy slaan die spyker op sy kop!
Jou droom sal waar word met Peyper as skeidsregter.
Rol hulle WP, moenie eers vir Peypies kans gee om droog te maak nie.
ek is n groot blou bul ondersteuner die WP is nie in die finaal geblaas nie hulle het baie goeie rugby gespeel om daar te wees en laas naweek se wedstryd was een van die beste games in currie beker nog . Sien WP Teen NOORD TVL. so geniet die finaal vandag mag die beste wen.
???