Die Engelse afrigter, Eddie Jones, het twee van die buitelandsgebore spelers in sy nasionale oefengroep weggejaag weens ʼn “spankultuurkwessie”.
Die Engelse Rugbyunie (RFU) het in ʼn verklaring bevestig dat die Samoaans-gebore senter Manu Tuilagi en Nieu-Seelands-gebore vleuel Denny Solomona huis toe gestuur is, maar geweier om daarop uit te brei.
Die stap hou glo verband met die gebruik van alkohol tydens die Rose se oefenkamp in Teddington, Londen, met die oog op die eerskomende herfsreeks teen Argentinië, Australië en Samoa.
Luidens berigte het nie een van die twee Maandag saam met die groep geoefen nie, en dis nog nie seker of Jones verdere optrede teen hulle oorweeg nie.
Piet Eberson
Wat het drankmisbruik met ‘n Kultuur Kwessie te doen?
Die opskrif kan beter gewees het