Kolisi net gewaarsku oor kopstamp teen Skotland

Siya Kolisi – net gewaarsku. (Foto GB Jordaan)

Siya Kolisi, Springbok-kaptein, sal Saterdag teen Wallis in die Bokke se laaste toets van hul jaareind-toer mag speel.

Kolisi het Maandag ʼn skorsing vrygespring nadat hy ʼn teenstander wat op die grond gelê het, met sy agterkop gestamp het toe hy vasgehou is.

Hy is net deur die uitwysbeampte, David Pelton van die VSA, gewaarsku.

Só ʼn waarskuwing word volgens Wêreldrugby se regulasie 17 uitgereik vir oortredings wat net duskant die drumpel van rooikaartoortredings is. Dit sal egter wel op die speler se dissiplinêre rekord aangeteken word.

Dié beslissing beteken dat Kolisi nie ʼn tugverhoor hoef deur te maak wat tot ʼn skorsing kon lei nie.

Die voorval is nie deur die skeidsregter, die twee assistentskeidsregters of die televisieskeidsregter raakgesien nie.

♦ Pelton het beslis dat daar versagtende omstandighede is wat nie ʼn rooikaart en dus uitwysing en ʼn tugverhoor regverdig nie.

Die feit dat Kolisi deur die teenstander, die Skotse senter Pete Horne, vasgehou is en daardeur nie weer by die spel kon aansluit nie, en ook dat Kolisi sy teenstander skrams en nie met volle geweld aan die kant van sy kop getref het nie, was die grondslag vir dié besluit.

♦ Vir die Springbokke is dit goeie nuus. Hul kaptein het Saterdag teen Skotland een van sy beste toetse nóg gespeel en sy afwesigheid sou die balans van die effektiewe lostrio teen Skotland ongetwyfeld versteur het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
Nico

As ‘n Skot nou die uitdeler was en ‘n SAer die ontvanger was dit ene tranedal soos teen Engeland!

Kosie

Al wat ek kan sê is: SIES!!!

Anton X

Ek wil nie meer kommentaar lewer nie, maar nog net die keer.
Verbeel jou nou dit was Bakkies, Victor of Etzebeth.
Ag vrek mens, hul gooi jou met die boek, dan gooi hul die sleutel weg.

PJC

Hierdie lyk maar baie verdag.

Rinkhals

Swak gedrag van ‘n kaptein. Hy is eintlik maar “a dwarf in a giants robe”.